Roza Otunbayeva and içdi

SON XƏBƏRLƏR

Roza Otunbayeva and içdi

2021.10.20, 07:36

Gunaz.tv

GünAzTv: Müvəqqəti prezident Qırğızıstana demokratiya vəd etdi: "Ən yaxın tarix göstərdi ki, liderin andını unutması nəyə gətirib çıxarır".

Qırğızıstanda bu gün yerli vaxtla saat 10:00-da ölkə prezidentinin səlahiyyətlərini icra edən Roza Otunbayevanın vəzifəsinin icrasına başlaması ilə bağlı törən keçirilib.

Türkiyənin xarici işlər naziri Əhməd Davudoğlunun da iştirak etdiyi, 40 dəqiqə çəkən mərasimin mümkün olduğu qədər az təntənəli olmasına diqqət yetirilib.

Toplantının əvvəlində çıxış edən Mərkəzi Seçki Komissiyasının sədri Akılbey Sarıyev bildirib ki, iyunun 27-də keçirilən referendumda iştirak edənlərinin 90 faizi yeni konstitusiyanın lehinə səs verib.

Prezident səlahiyyətlərini icra edən Roza Otunbayeva isə vəzifəsinin məsuliyyətini anladığını söyləyib: "Ən yeni tariximizdə yaşananlar göstərdi ki, liderin andını unutması nəyə gətirib çıxarır".

Otunbayeva həmçinin apreldə yaşananlardan adekvat nəticə çıxarılmasının vacibliyini vurğulayıb.

Yeni hökumətin fikir, söz azadlığı, insan haqları, ideya rəqabəti, dialoq kimi məsələlərdə bütün siyasi qüvvələrlə konstruktiv əməkdaşlığa hazır olduğunu söyləyən müvəqqəti prezident qeyd edib ki, şəxsi ambisiyalardan dövlət mənafelərinə keçmənin zamanı gəlib.

Otunbayeva hökumətin siyasətinin əhalinin sosial problemlərinin həllinə yönələcəyini vəd edib: "Biz liberal iqtisadiyyat, şəxsi əmlakın toxunulmazlığına təminat və xarici sərmayə üçün lazımi şərtlərin yaradılması istiqamətində qanunvericiliyi gücləndirmək niyyətindəyik". Dövlət başçısı həmçinin qeyd edib ki, Qırğızıstanda dövlətin mədəni siyasəti ilə bağlı da düşüncə inqilabı eləməyin zamanı gəlib.

GUNAZ.TV

SON XƏBƏRLƏR