Məhkəmədə vandalist erməninin çirkin sifəti ifşa oldu

SON XƏBƏRLƏR

Məhkəmədə vandalist erməninin çirkin sifəti ifşa oldu

2021.10.20, 07:36

Gunaz.tv

GünAzTv: Sevastopolda abidəni dağıdan erməninin məhkəməsində maraqlı faktlar açılıb.

Sevastopolda Krım yarımadasının faşist işğalından azad olunmasında müstəsna rol oynamış azərbaycanlı döyüşçülərin şərəfinə ucaldılmış abidəni dağıdan erməni Eduard Arakelyan və Andrey Qaninin məhkəməsində maraqlı faktlar aşkarlanıb. “Krımın azərbaycanlı icması” İctimai Birliyinin rəhbəri Rəhim Hümmətovun APA-ya verdiyi məlumata görə, Bakalvsk rayon məhkəməsində keçirilən iclasda müttəhimlərin müdafiə çıxışları onların abidəni metal tullantısı kimi satmaq məqsədilə korladığı versiyasına kölgə salıb: “Eduard Arakelyanın əlaltısı Andrey Qanin məhkəmədə çıxışında bildirdi ki, erməni məhz azərbaycanlı döyüşçülərin abidəsini qisas məqsədilə seçib, onların ruhunu alçaltmaq, təhqir etmək istəyib. Görünür o, azərbaycanlı əsgər fiqurunun başını kəsməklə sanki canlı adamın başını kəsdiyini düşünüb. Arakelyan isə bildirib ki, bu addımı həlak olan valideynlərinin qisasını almaq üçün atıb. Ermənilər qisası sevirlər və Ramil Səfərovu yaddan çıxarmırlar. İndi onların öz milli qəhrəmanı var, bu “şücaət”inə görə Arakelyana hələ sağ ikən heykəl qoya bilərlər”.Rəhim Hümmətov bildirib ki, bununla da bədxahların abidənin metal hissələrini satış məqsədilə oğurladığı barədə versiya arxa plana keçir: “Belə məlum olur ki, öz nifrətini, qəzəbini abidənin başını kəsməklə də soyutmaq olar, bu baş verən hadisənin əsas versiyasına çevrilir”.Xatırladaq ki, prokuror ittiham olunan şəxslərin 4 il müddətinə azadlıqdan məhrum edilməsini tələb edib. Dövlət ittihamçısı bu zaman Eduard Arakelyan və Andrey Qaninin himayəsində azyaşlı uşaqlar olmasını nəzərə alıb. Məhkəmənin növbəti iclası iyulun 12-nə təyin olunub.

GUNAZ.TV

SON XƏBƏRLƏR