İsrail Türkiyəni təhdid etdi

SON XƏBƏRLƏR

İsrail Türkiyəni təhdid etdi

2021.10.20, 07:36

Gunaz.tv

GünAzTv: «Sovet İttifaqı da 1967-ci ildə İsrailə arxa çevirmişdi, amma sonra buna peşman olmuşdu». Bunu İsrailin rəsmi məmuru bəyan edib.

İsrail və Türkiyə arasında diplomatik böhranın durmadan dərinlişdiyi bir vaxtda İsraildən hədə xarakterli xəbərdarlıqlar eşidilib. İsrail səlahiyyətliləri Türkiyənin hava sahəsini İsrailin hərbi təyyarələri üçün bağlamasına sərt reaksiya veriblər. Yüksək səviyyəli İsrail məmuru İngiltərənin «Sky News» televiziya kanalına Türkiyənin iki ölkə arasında böhranı daha da dərinləşdirməzdən əvvəl iki dəfə düşünməsinin lazım olduğunu söyləyib: «Türkiyənin gərginliyi artırmaq yolunu seçdiyi görünür və bu heç kimin xeyrinə deyil.

Əgər əlaqələri tamamilə kəsmək üçün bəhanə axtarırlarsa, bu, TürkiyəninYaxın Şərqdə durumuna zərər verəcək». Adı açıqlanmayan İsrail məmuru «Sky News» kanalına «Hərbi sahədə əməkdaşlıq daim hər iki ölkənin mənfəətinə xidmət edib və bunun dəyişməsi üçün bir səbəb yoxdur» deyə bildirib. O, Türkiyə hökumətini bu yoldan çəkinməyə çağırıb və Sovet İttifaqının başına gələnləri xatırladıb: «Sovet İttifaqı da 1967-ci ildə İsrailə arxa çevirmişdi, amma daha sonra bölgədə təsirini itirdikdə buna peşman olmuşdu». Xatırladaq ki, Türkiyə İsrail ordusu səlahiyyətlilərini Polşada keçirilən bir anım mərasiminə aparmaq üçün hava sahəsini istifadə etmək istəyən bir İsrail hərbi təyyarəsinə keçid üçün icazə verməmişdi. Bundan başqa ən azı daha bir İsrail hərbi təyyarəsinin geri qaytarıldığı ehtimal edilir. Türkiyə bundan sonra İsrail hərbi təyyarələrinin hava sahəsindən istifadə etməsini vəziyyətə görə qiymətləndirəcəyini açıqlayıb.

GUNAZ.TV

SON XƏBƏRLƏR