Contact Us

SON XƏBƏRLƏR

İqtisadçı-ekspert İlham Şaban: Sanksiyaların İrana təsiri özünü göstərməyə başlayır

2021.10.20, 07:36
İqtisadçı-ekspert İlham Şaban: Sanksiyaların İrana təsiri özünü göstərməyə başlayır

Gunaz.tv

GünAzTv mətbuat mərkəzinin “Azadlıq” qəzetinə istinadən yaydığı məlumata görə, BMT-nin İrana qarşı tətbiq etdiyi iqtisadi sanksiyalar artıq işə düşür. Dünyanın aparıcı neft şirkətləri bu ölkə ilə əməkdaşlığı dayandırır. Artıq bu siyahıda Britaniyanın “BP”, “Shell”, Fransanın “Total”, Ispaniyanın “Repsol” şirkətləri də var. Sanksiyaların davamlı olması İrana nə vəd edir? Digər tərəfdən Azərbaycan bu ölkəyə benzin satışını davam etdirsə, hansı nəticələrlə üzləşə bilər?Iqtisadçı-ekspert Ilham Şabanın fikrincə, bu şirkətlərin İranla əməkdaşlığı dayandırması artıq sanksiyaların praktikada özünü göstərməyə başlamasını göstərir. Ancaq reallıqda bunun nəticəsini bir neçə aydan sonra görmək olacaq. Artıq bu ilin payızında Iran benzin qıtlığı ilə üzləşə bilər. Eksert İranın ən böyük yanacaq təchizatçısının Hindistan olduğunu və bu ölkənin hələ sanksiyalara qoşulmadığını qeyd etdi. Əgər Hindistan İrana yanacaq satışını dayandırsa, bu ölkədə yanacaqla bağlı vəziyyət gərginləşəcək. Azərbaycanın ötən il İrana avtomobil benzini satmadığını bildirən I.Şabanın sözlərinə görə, ölkəmizin bu vaxta qədər  cənub qonşuya satdığı yanacağın dəyəri beş milyon dollardan artıq olmayıb. Bu məbləğdə satışa isə sanksiyalar tətbiq edilmir. Çünki sanksiyalar 20 mln dollarlıq layihələrə şamil edilir. Bəs İran benzin ehtiyacını ödəmək üçün Azərbaycandan yardım istəyə bilərmi? Ekspertin fikrincə, Azərbaycanda böyük benzin ehtiyatı yoxdur. Hər il 25 min ton yanacaq Gürcüstana ixrac edilir. Bu da SOCAR-ın ehtiyaclarını ödəməyə kifayət edir. Bundan əlavə, Azərbaycanın benzin ixracına dair üçüncü dünya ölkələri ilə kiçik müqavilələri olur. Eyni zamanda ölkənin daxili bazarında benzinə tələbat artır. Ona görə də İrana satmaq üçün əlavə benzin ehtiyatı yoxdur.

SEÇİLMİŞ XƏBƏRLƏR

Çox oxunanlar