Qardaş ölkədə “YEDDİ DÖVLƏT - BİR MİLLƏT” bayraq meydanı açılacaq

SON XƏBƏRLƏR

Qardaş ölkədə “YEDDİ DÖVLƏT - BİR MİLLƏT” bayraq meydanı açılacaq

2021.10.20, 07:36

Gunaz.tv

GünAzTv: İyulun 3-də Türkiyənin Bursa şəhərində Yeddi Dövlət - Bir Millət Bayraq Meydanının açılışı olacaq. Tədbirdə yeddi bağımsız Türk dövlətinin Türkiyədəki səfirliklərinin nümayəndələri, ayrı-ayrı ictimai qurumların təmsilçiləri və sənət adamlarının iştirakı nəzərdə tutulur.

GünAzTv mətbuat mərkəzinin “Musavat”-a istinadən yaydığı məlumata görə, Tədbir Bursadakı Yıldırım bələdiyyəsinə aid ərazidə, bu bələdiyyə binasının önündəki meydanda baş tutacaq. Təşəbbüsün icraçılarının verdiyi xəbərə görə, həmin gün saat 18.00-da başlayacaq tədbirdə öncə mehtər marşları səsləndiriləcək, ardından bayraq meydanının açılışını gerçəkləşdirmək üçün lent kəsiləcək, bundan sonra da yeddi bağımsız Türk dövlətinin - Azərbaycan, Qazaxıstan, Qırğızıstan, Quzey Kıbrıs, Özbəkistan, Türkiyə və Türkmənistanın bayraqları yüksəldiləcək. Rəsmi çıxışların nəzərdə tutulduğu tədbirdə ünlü ozan Araz Elsəs və sənətçi Orhan Hakalmazın iştirakı ilə konsert düzənlənəcək. Qeyd edək ki, Yeddi Dövlət - Bir Millət Bayraq Meydanı təşəbbüsü Yeddi Dövlət - Bir Millət Kültür və Dayanışma Dərnəyinin başqanı İbrahim Demirtaş və qurumun Türk Cümhuriyyətləri üzrə baş təmsilçisi Azər Həsrətin ötən ilin dekabrında Bursa Yıldırım Bələdiyyəsi başqanı Özgen Keskinle görüşü zamanı irəli sürülüb. Türk dövlətləri arasında əlaqələrin daha da gücləndirilməsi və ən qısa zamanda Bağımsız Türk Dövlətləri Birliyinin qurulmasını məqsəd elan edən dərnək bu yöndə çalışmaları sırasında yeddi bağımsız Türk dövlətinin bayraqlarının daim bir yerdə olmasına xüsusi önəm verir. Ona görə də özünün bütün tədbirlərində yeddi bayrağımız əlifba sırasıyla düzülmüş şəkildə bir arada tutulur. Azərbaycandan tədbirdə Yeddi Dövlət - Bir Millət Konseyinin başqanı Azər Həsrətin iştirakı nəzərdə tutulur.

GUNAZ.TV

SON XƏBƏRLƏR