Ermənistanın müharibə əndişəsi

SON XƏBƏRLƏR

Ermənistanın müharibə əndişəsi

2021.10.20, 07:36

Gunaz.tv

GünAzTv: “Müharibə bəyanatları regional təhlükəsizlik üçün real təhlükədir”. Bu bəyanatla Ermənistan parlamentinin spikeri Ovik Abramyan çıxış edib. O, bildirib ki, Ermənistan Dağlıq Qarabağ münaqişəsinin ATƏT-in Minsk qrupu çərçivəsində yalnız sülh yolu ilə həllinə tərəfdardır. Ovik Abramyanın sözlərinə görə, rəsmi İrəvan daışıqlar prosesinin konstruktivlik ruhunda davam etdirilməsi üçün etimad ab-havasının yaradılmasını vacib hesab edir. Amma… “Sülhpərvər” bəyanatın ardınca Ovik Abramyan Ermənistan hakimiyyətinin münaqişənin həllindəki özünəməxsus prinsiplərini yenə təkrarlayıb: “Dağlıq Qarabağ münaqişəsinin nizamlanmasının əsasında Dağlıq Qarabağ xalqının öz müqəddəratını təyinetmə hüququnün tanınması və bu hüququn reallaşdırılması dayanmalıdır”.

Qeyd edək ki, son vaxtlar rəsmi Bakının müharibə bəyanatları intensivləşib. Prezident İlham Əliyev hərbəçilər qarşısında iyunun 24-də etdiyi kı çıxışında deyib ki, Azərbaycanın işğal altındakı ərazilərinin azad edilməsi ölkəmizin qarşısında dayanan ən vacib vəzifədir. Dövlət başçısı bəyan edib ki, rəsmi Bakı məsələnin həllinin hərbi yolla mümkün olmasını heç vaxt inkar etməyib: “Baxmayaraq ki, biz sülh danışıqlarının tərəfdarıyıq və 20 ilə yaxındır, sülh danışıqları aparılır. Azərbaycan bu danışıqlarda çox konstruktiv mövqe nümayiş etdirir. Bunun nəticəsi yoxdur. Nə vaxta qədər Azərbaycan xalqı gözləməlidir? Nə vaxta qədər biz gözləməliyik ki, haqq-ədalət bərpa olunsun? Bir halda ki, Ermənistan tərəfi beynəlxalq hüquq normalarına məhəl qoymur, beynəlxalq təşkilatların qərarlarına riayət etmir. Azərbaycan xalqının səbri tükənməz deyil. Bizim əsas vəzifəmiz Azərbaycanın ərazi bütövlüyünü istənilən yolla bərpa etməkdir. Yenə də deyirəm, biz istəyirik ki, bunu danışıqlar yolu ilə həll edək. Amma əgər bu, mümkün olmayacaqsa, Azərbaycan Ordusu, bütün Silahlı Qüvvələr hazır olmalıdırlar ki, Ali Baş Komandanın əmri ilə öz doğma torpaqlarını azad etsinlər”.

Prezidentin müdafiə məsələləri üzrə köməkçisi Vahid Əliyev də hərbi əməliyyatların dondurulmadığını və hər an yenidən başlaya biləcəyini bəyan edib. Prezidentin köməkçisi deyib ki, Azərbaycan xalqı müharibə istəməsə də, ona həmişə hazır olmağa məcburdur. Çünki Azərbaycan bu müharibəyə erməni təcavüzkarları tərəfindən cəlb edilib. Vahid Əliyev hesab edir ki, hərbi əməliyyatlar başlasa, Azərbaycan Silahlı Qüvvələri qarşısında duran vəzifələrin öhdəsindən gələcək və düşmənə sarsıdıcı zərbə endirəcək: “Ermənistanın rəhbərləri öz xalqlarına artıq gətirdikləri bədbəxtliklərin üstünə həm də hərbi məğlubiyyəti əlavə edəcəklər. Qoy düşünsünlər, bu, onlara lazımdırmı?”.//ANS Press

GUNAZ.TV

SON XƏBƏRLƏR