Dünya mətbuatı İrana qarşı müharibə hazırlığından yazır

SON XƏBƏRLƏR

Dünya mətbuatı İrana qarşı müharibə hazırlığından yazır

2021.10.20, 07:36

Gunaz.tv

GünAzTv: İrana qarşı ehtimal olunan müharibə barədə İngiltərənin nüfuzlu qəzetlərindən olan “The Times” qəzeti, Misirin “Əl Kuds Əl Ərəbi” qəzeti, İranın “Fars” xəbər agentliyi və... ciddi xəbərlər qeydə alıblar.

Orta Şərqdə son günlərdə ortaya atılan üç iddia, İsrail və ABŞ-ın (Amerika Birləşmiş Ştatları) İrana qarşı döyüş hazırlığı aparması ehtimallarını artırır. döyüş hazırlığı ilə bağlı ilk ehtimal 10 gün əvvəl İngiltərənin nüfuzlu qəzetlərindən olan “The Times”dən gəldi. Qəzet Türkiyə ilə münasibətləri pozulan İsrailin Səudiyyə Ərəbistanı ilə yeni bir müqavilə bağladığını və bu müqaviləyə əsasən Səudiyyə Ərəbistanının lazım gələcəyi halda hava sahəsini istifadə üçün İsrailə verəcəyini yazıb.

Daha sonrakı xəbər Misirin “Əl Kuds Əl Ərəbi” qəzetindən gəldi. Qəzet 18 İyunda 11 ABŞ hərbi gəmisinin Süveyş kanalından Qırmızı dənızə keçdiyini yazıb. İddiaya görə, gəmilərdən biri nüvə silahı daşıyan “SS Harry Truman” gəmisidir. Yazıda Misir müxalifətin “bizi çirkli bir planın parçası edirsiniz” deyərək iqtidarı tənqid etdiyi qeyd edilib.

Bu qəbildən olan sonuncu məlumatı isə İranın “Fars” xəbər agentliyi yayıb. Agenliyə görə, İsrail vertolyotları 18 İyunda, ABŞ gəmilərin Süveyş Kanalından keçdiyi gün Səudiyyə Ərəbistandakı Tebük hava limanına enərək silah-sursat boşaldıb.

Bu iddiaların hələ heç biri rəsmi mənbələr tərəfindən təsdiq olunmasa da, informasiyaların üst-üstə düşməsi ərəb dünyasında narahatlıq yaradıb.

GUNAZ.TV

SON XƏBƏRLƏR