İranın nüvə proqramı ətrafındakı gərginlik artır

SON XƏBƏRLƏR

İranın nüvə proqramı ətrafındakı gərginlik artır

2021.10.20, 07:36

Gunaz.tv

GünAzTv: Amerikada Nümayəndələr Palatası və Senat Tehran hökumətinin energetika sənayesini pozmaq və İranın İslam Keşikçiləri Korpusunun maliyyə köçürmələrini önləmək məqsədilə iqtisadi sanksiyalar barədə razılığa gəliblər.

Senatın bank işləri komitəsinin sədri Kris Dodd və Nümayəndələr Palatasının Xarici Əlaqələr Komitəsinin sədri Hovard Berman arasında əldə olunmuş razılaşmanın səsvermədən maneəsiz keçəcəyi gözlənilir.

GünAzTv mətbuat mərkəzinin BBC-yə istinadən yaydığı məlumata görə, bu arada Tehran elan edib ki, BMT-nin iki nüvə müfəttişinə İrana daxil olmağı qadağan edib.

İran tərəfi bu müfəttişləri İranın nüvə proqramı barədə saxta məlumatlar sızdırmaqda ittiham edir.

Ekspertlərin fikrincə İranın bu son hərəkəti Tehranın nüvə proqramının dinc məqsədli olmadığı barədə Vaşinqtonun şübhələrini daha da artıracaq.

BMT müfəttişləri ötən may ayında Tehrandakı Çoxməqsədli Caber ibn Hayan Laboratoriyasında olarkən bildirmişdilər ki, uranın yüksək temperaturlarda emalını həyata keçirmiş avadanlıq kompleksdən çıxarılıb.

İran uranın təmizlənməsi üçün belə bir prosesin həyata keçirilmədiyini deyir.

İranın Atom Energetikası Təşkilatının sədri Əli Əkbər Salehi deyib ki, BATENA-ya adları çəkilməyən iki müfəttişin ölkəyə buraxılmayacağı barədə xəbər verilib.

Bununla belə Salehi əlavə edib ki, İran özünün beynəlxalq öhdəliklərinə sadiq qalacaq və digər müfəttişlər İrana buraxılacaq.

İranın xarici işlər naziri Mənuçöhr Müttəki bildirib ki, iki müfəttişin ölkəyə buraxılmaması ilə bağlı qərar BATENA-nın rəhbəri Yukia Amanoya bir növ mesajdır;

"Bu cənab Amanoya bir növ xəbərdarlıqdır ki, onun müfəttişləri və ətrafındakılar BATENA-nın qaydalarını pozmasınlar. Beləki, BATENA müfəttişlərinin əldə etdikləri məlumatlar məxfi xarakter daşıyır."

"Cənab Amano özfəaliyyəti bir tərəfə qoyub agentliyə peşəkarcasına rəhbərlik etməlidir, deyib cənab Müttəki, - Bizim ölkəmizə gələn müfəttiş burdan getdikdən sonra fəaliyyətimiz və məntəqələrimiz barədə əldə etdiyi məlumatı başqalarına ötürməməlidir. Bu, BATENA-nın qaydalarına ziddir."

Vaşinqtonda Ağ Evin sözçüsü P.J. Crowley bildirib ki, Tehranın son hərəkəti narahatedicidir.

O deyib ki, İran müfəttişləri təhdid etməsilə tanınır.

Bu arada Vyanada Braziliya elan edib ki, onun İranın nüvə proqramı ilə bağlı dəstəyi BMT Təhlükəsizlim Şurasının qəbul etdiyi son sanksiyalardan sonra əhəmiyyətini itirmiş sayılır.

Braziliya və Türkiyə ötən ay İranın nüvə yanacağının mübadiləsinə dair Tehranda razılaşma əldə etmişdilər.

Bu razılaşma Amerika və Qərbi o qədər də razı salmamışdı.

GUNAZ.TV

SON XƏBƏRLƏR