Ermənistan prezidenti Qarabağdakı atışma haqda Rusiya prezidentinə şikayətlənib

SON XƏBƏRLƏR

Ermənistan prezidenti Qarabağdakı atışma haqda Rusiya prezidentinə şikayətlənib

2021.10.20, 07:36

Gunaz.tv

GünAzTv: Danışıqlar prosesində yenidən uzunmüddətli pauza yarana bilər.

Ermənistan prezidenti Serj Sərkisyan cəbhə xəttində baş verən son atışma barədə xəbər alan kimi Rusiya prezidenti Dmitri Medvedyevlə görüş xahiş edib. Erməni mənbələrinin məlumatlarına görə, həmin vaxt Sankt-Peterburqda səfərdə olan Sərkisyan Medvedyevlə qısa görüş barədə razılıq alıb. Prezidentlər Sankt-Peterburq universiteti ilə İrəvan Dövlət Universiteti arasında imzalanan əməkdaşlıq sazişinə şahidlik ediblər və elə universitetin binasında qısa görüş keçiriblər.

Həmin görüşdə Ermənistan prezidentinin cəbhə xəttinin Tərtər istiqamətində baş verən insidentlə bağlı Rusiya prezidentini məlumatlandırdığı bildirilir. Görüşdən sonra Sərkisyan insidentlə bağlı Azərbaycanı günahlandıran bəyanat yayıb və münaqişənin nizamlanması üçün vasitəçilik edən ölkələri bu hadisədən sonra düşünməyə, rəsmi Bakıya təzyiq göstərməyə çağırıb. Xəbər verildiyi kimi, Sankt-Peterburqda Ermənistan, Rusiya və Azərbaycan prezidentləri arasında üçtərəfli danışıqların bitməsindən cəmi bir sutka sonra cəbhə xəttinin Tərtər istiqamətində intensiv atışma qeydə alınıb. Erməni tərəfinin yaydıqları məlumatlara görə, Azərbaycan ordusunun bölməsi cəbhə xəttini yararaq işğal altında olan Çaylı kəndi ərazisinə daxil olub. Erməni qüvvələri ilə yaxın məsafədən baş verən atışma nəticəsində hər iki tərəf itki verib. Rəsmi etiraf edilən rəqəmə görə ermənilər azı 4 əsgər itirib, 4 əsgər, də yaralanıb. Azərbaycan tərəfdən isə bir əsgər şəhid olub. Azərbaycan Müdafiə Nazirliyi isə ermənilərin növbəti dəfə atəşkəs rejimini pozaraq mövqelərimizə hücum etdiyini və ağır itki verərək geri çəkildiyini bəyan edir. Maraqlıdır ki, erməni tərəfi ilk dəfədir çoxsaylı itki verdiyini etiraf edir. Eyni zamanda rəsmi İrəvan bu insidentdən istifadə edərək Bakını danışıqlar prosesini pozmaqda günahlandırmaq üçün geniş siyasi kampaniya başladıb. İstər Ermənistan prezidenti və xarici işlər naziri, istərsə də erməni mətbuatı və ekspertləri bu qənaətdədir ki, Sankt-Peterburq danışıqlarının nəticə vermədiyini görən və elə həmin gün Bakıya qayıdan prezident İlham Əliyev orduya belə əməliyyat keçirmək üçün əmr verib. Məlum olduğu kimi, erməni tərəfi danışıqlar masası üzərində olan yenilənmiş Madrid prinsiplərinə cavab verməyi müxtəlif bəhanələrlə aylardır uzadır. Görünür, Rusiya tərəfinin israrı nəticəsində baş tutan son danışıqlarda da Sərkisyandan yeni bəhanələr eşidilib. musavat

GUNAZ.TV

SON XƏBƏRLƏR