GünAzTv: Rusiyanın dövlət silah şirkəti “Rosoboroneksport”-un Baş Direktoru Anatoliy İsaykin Türkiyə ordusunun S-300 və S-400 raketlərinə ciddi ehtiyacı olduğununu bildirib. Isyakin iyunun 16-da “RiA Novosti” agentliyinə verdiyi açıqlamasında Rusiyanın bu sistemlərin Türkiyəyə satılmasını nəzərdə tutan tenderdə iştirak etməyə hazır olduğunu elan edib. O, bu tenderdə Rusiya ilə yanaşı, digər  qabaqcıl Qərb şirkətlərinin də iştirak edəcəyini, prosesin nəticəsini isə zamanın göstərəcəyini vurğulayıb. Türkiyənin iki ildən bu yana Rusiyanın S-300 və S-400-lərə  maraq göstərdiyi bilinir. Rəsmi Ankaranın bu silahları ölkənin cənub sərhədlərində yerləşdirmək istədiyi iddia edilməkdədir.   

 Xatırladaq ki, Rusiya əvvəllər S-300 raketlərini Belarusiya, Bolqarıstan, Çin və Hindistana satıb. Venezulela, Liviya, Suriya və Əlcəzairin də Rusiyaya S-300 sifarişi verdikləri bilinir. Türkiyənin qonşularından Ermənistandakı Rus bazalarında da S-300 raketləri mövcuddur. Yenə Rusiyanın 1997-1998-ci ildə Cənubi Kiprə S-300 satışı bölgədə Türkiyə-Yunanıstan-Cənubi Kipr-Rusiya dördbucağında böhrana səbəb olmuşdu. S-300 raketlərinin qlobal mənada əsas populyarlaşması isə Ruisyanın İrana bu silahları satış müqaviləsi ilə olub. Son hadisələrdə Rusiya İrana bu silahları satışını dondurduğu məsajını verib.

İsyakinin açıqlamasında diqqəti cəlb edəb bir digər mühüm məqam Türkiyəyə S-400 raketləri də satmaq istədiklərini bəyan etməsidir. S-300 raketlərinin daha müasirləşdiriılmiş və gücləndirilmiş versiyonu olan S-400 raketlərinin Rusiya ordusunda istismarına 2007-ci ilin 6 Avqustunda başlanıb.  İlk  mərhələdə 2 ədəd S-400 raket kompleksinin stratejik önəmdəki Moskva bölgəsindəki Elektrostal şəhərinə yerləşdirilib. 5 ədəd S-400 kompleksindən meydana gələn ikinci partiya  isə 2010-cu il sonuna qədər Rus ordusunun istismarına veriləcək (art;q apreldə biri istismara verilib). 2009-cu idən etibarən bu raketlərin ixracı gündəmə gəlib. Bu çərçivədə Rusiya-nın keçən ildən Səudiyyə Ərəbistanı və Libiya ilə S-400 raket komplekslərinin satışına dair müzakirələr apardığı bilinməkdədir. Rusiyanın Türkiyəyə ən yeni nəsil raketlərdən sayılan  S-400 kompleklərini təklif etməsi isə rəsmi Moskvanın  Türkiyənin silah tenderində daha əlverişli mövqeyə keçmə cəhdi kimi xarakterizə edilə bilər.    

Rusiyanın Türkiyəyə bu silahları təklif etmə zamanlaması da diqqəti cəlb etməkdədir. Rusiya bu təklifi ilə hər şeydən əvvəl İrana satışını dondurduğu S-300 raketlərinindən uğrayacağı zərəri qarşılamaq məqsədini güdür. İkincisi, rəsmi Moskvanın bu təklifi AB üzvülüyü, İsrail və İran kimi səbəblərlə Qərblə münasibətləri daha güclü mənfi çalarlar daşımağa başlayan Türkiyə ilə artıq strateji xaraker alan əlaqələrini daha da dərinləşdirmək məqsədini güdür. Beləliklə, Rusiya Tükiyənin mövcud beynəlxalq sistemdə yeni rol alma prosesindən maksimum faydalanmağa çalışır. Öz növbəsində Türkiyə isə bu prosesdən alternativ hərbi sistemlərə yiyələnərək çıxmağa çalışır. Araztm