Amerika Konqresindən Türkiyəyə “erməni” hədəsi

SON XƏBƏRLƏR

Amerika Konqresindən Türkiyəyə “erməni” hədəsi

2021.10.20, 07:36

Gunaz.tv

GünAzTv: Birləşmiş Millətlər Təşkilatının İrana qarşı qəbul etdiyi sanksiyaların əleyhinə Türkiyənin səs verməsi və Aralıq dənizində 31 May tarixində baş verən gəmi qalmaqalından sonra İsraillə əlaqələrin gərginləşməsi ABŞ (Amerika Birləşmiş Ştatları) Konqresində Türkiyə əleyhdarlarını hərəkətə gətirib. Bu barədə SİA türk mətbuatına istinadən xəbər yayıb.

Kaliforniyadan olan demokrat-konqresmen Adam Şiff Konqresdəki həmkarlarına məktubla müraciət edərək onları “erməni soyqırımı”na dəstək olmağa çağırıb.

Erməni diasporuna yaxınlığı ilə seçilən Şiff məktubunda “Türkiyənin son zamanlar sərgilədiyi davranışı ortada ikən, bu Konqres saxta bir dostu məmnun etmək üçün ölülərə hörmətsizliyi davam edib-etdirməmək məsələsini yenidən nəzərdən keçirməlidir” ifadəsini işlədib. Məlumata görə 435 yerlik Nümayəndələr Palatasında “erməni soyqırımı” qanun layihəsinə dəstək verəcəyini açıqlayan millət vəkillərinin sayı bir neçə nəfər də artaraq 144-ə çıxıb. Qanunun səs verməyə təqdim edilməsi üçün Nümayəndələr Palatasının rəhbəri Nenci Pelosinin razılığı lazımdır.

Nümayəndələr Palatasının digər bir üzvü, Nyu-Yorkdan olan demokrat konqresmen Eliot Engel isə bildirib ki, Türkiyənin İsrail əleyhdarlığı davam edərsə, Ankaranın ABŞ ilə əlaqələrinə ziyan dəyə bilər. O, Türkiyənin hərəkətlərini utancverici adlandırıb və gəmi qalmaqalını araşdıracaq beynəlxalq istintaq qrupunu yaradılmasına da qarşı çıxdığını dilə gətirib.

Palatanın İndianadan olan respublikaçı konqresmeni Mike Pence də "Türkiyə İrana daha da yaxınlaşmağa yönəlik və İsrailə qarşı olan siyasətini davam etdirərsə, bunun bir əvəzi olacaq” deyib. Əvvəlki səsvermələrdə “erməni soyqırımı”nı dəstəkləməyən Pence bu məsələyə münasibətini yenidən düşünəcəyini bildirib. Respublikaçı Peter Kinq də özünün də “soyqırım”a dəstək verməmə fikrini dəyişə biləcəyini söyləyib.

Senator Makkeyn isə Türkiyənin baş naziri Rəcəb Tayyıb Ərdoğanı tənqid edib. Ərdoğanın davranışlarının narahatlıq yaratdığını deyən senator Mustafa Kamal Atatürkün dünyəvi bir dövlət miras qoyduğunu vurğulayıb.

GUNAZ.TV

SON XƏBƏRLƏR