Contact Us

SON XƏBƏRLƏR

Xamneyi və Əhmədinejad haqqında ŞOK açıqlama

2021.10.20, 07:36
Xamneyi və Əhmədinejad haqqında ŞOK açıqlama

Gunaz.tv

GünAzTv: 2009-cu il iyunun 12-də İranda keçirilmiş prezident seçkisinin rəsmi nəticələrinə qarşı kütləvi etirazlardan sonra xaricə qaçan İnqilab Keşikçiləri Korpusunun (“Sepah”) üzvü Məhəmmədrza Mədhi Tazə Kənd və həmin qurumun nəzdində fəaliyyət göstərən “Bəsic” (hökumət tərəfdarı olan könüllülər dəstəsi) təşkilatının üzvü Məhəmmədhüseyn Türkman mediaya açıqlamalar veriblər. Onlar 2009-cu il seçkisinə etiraz aksiyaları zamanı hakimiyyət dairələrindəki vəziyyətdən danışıblar.

GünAzTv mətbuat mərkəzinin “Media forum”-a istinadən yaydığı məlumata görə, hakimiyyətin müxalif vətəndaşlara divan tutmasına dözə bilmədiyi üçün gizli yolla Türkiyəyə qaçdığını deyən və hazırda da Türkiyədə yaşayan Məhəmmədhüseyn Türkman etirazlar zamanı İranın dini rəhbəri ayətullah Əli Xamneyinin təhlükəsizliyini qoruyan xüsusi mühafizəçilər komandası ilə yaxın əlaqədə olduğunu bildirib: “Mən həmin komanda ilə yaxın əlaqədə olduğum üçün Xamneyiyə yaxın dairələrdə nələrin baş verdiyindən xəbər tuta bilirdim. Etirazlardan sarsılan, qorxuya düşən hakimiyyətin müxaliflərlə amansız davranması “Sepah” və “Bəsic”də qulluq edən bəzi sıravi üzvlərin rəhbərlərə olan inamına xələl gətirmişdi.

Dinc müxaliflərə qarşı həyata keçirilən repressiyalar gözlənilməz idi. Hakimiyyət qüvvələrini, rəsmiləri açıq-aşkar qorxu bürümüşdü. Bunu onların davranışında da görmək mümkün idi. Hətta ayətullah Xamneyi və prezident Mahmud Əhmədinejadın üsyan və etirazlar çoxaldığı təqdirdə ölkəni tərk edib Suriyaya uçması üçün xüsusi təyyarələr nəzərdə tutulmuşdu, həmin təyyarələr daima hazır vəziyyətdə saxlanırdı. Etirazların səngiməməsi dini rəhbərə yaxın dairələrin “Sepah” üzvlərinə olan etimadına da xələl gətirmişdi. İş o yerə çatmışdı ki, həmin dövrdə tələm-tələsik ölkənin ucqar kəndlərindən minlərlə sadə kəndlini gətirib köhnə “Sepah”çıların yerinə işə götürürdülər.

Hakimiyyət hətta öz yaxın adamlarına da etimad etmir, hər kəsə şübhə ilə baxırdı. Bu şübhə o yerə çatmışdı ki, Xamneyini qoruyan mühafizə dəstələri içində casuslar qoyulmuşdu, mühafizəçilərin bütün hərəkətləri nəzarətdə saxlanır, telefon danışıqları dinlənirdi”.

8 illik İran-İraq müharibənin iştirakçısı, hazırda Tailandda yaşayan Məhəmmədrza Mədhi Tazə Kənd bildirib ki, ayrılıqda Əhmədinejad elə bir güc deyil: “O, pərdə arxasındakı müəyyən dairələrin mənafeyini təmsil edir və onların göstərişi ilə hərəkət edir. O, sadəcə olaraq müəyyən qüvvələrin maraqlarının ifadəçisi kimi çıxış edir”.

SEÇİLMİŞ XƏBƏRLƏR

Çox oxunanlar