GünAzTv: Güney Azərbaycanda yerləşən Məzrə adlı mis mədəninin kimyəvi tullantıları 15 il ərzində torpaqdan yaradılmış sədd dalında toplanmışdır. 2010 - cu il may ayının 6 - da şiddətli yağış yağması nəticəsində torpaq səddi aradan qalxıb və bundan sonra kimyəvi tullantılar su vasitəsi ilə bir neçə kəndi zəhərləyib keçərək Kiçik çaya tökülmüşdü. Bu çay vasitəsi ilə də zəhərli tullantılar Əhər çayına özün çatdırmışdı. Və nəhayət ki, Əhər çayı vasitəsi ilə zəhərli tullantılar gedib Araz çayına tökülmüşdü.

İran rejiminə aid olan xəbər agentlikləri bu zəhərli maddələrin həcmi barəsində konkret məlumat vermirlər. Amma tərəfsiz şahidlərin verdiyi məlumata görə, bu 15 il ərzində bir yerə toplanan zəhərli maddələr o qədər artmışdır ki, çox geniş məsafədə suyu və qurunu zəhərləməklə ətraf mühitə və canlıların sağlamlığına çox böyük xəsarət vurmuşdur. Şərqi Azərbaycanın müstəqil qeyri - hökumət təşkilatlarının məsulu Ələmi xatırlatmışdır ki, bu zəhərli maddələrin Əhər çayına tökülməsi böyük faciə sayılır. O, artırmışdır ki, bir müddət bundan öncə Araz çayının Ermənistana aid olan Məgəri hissəsində suyun rənginin dəyişməsinə və zəhərlənməsinə şahid olmuşduq. Bizim araşdırmamız nişan vermişdir ki, Ermənistanın fabrikalarından zəhərli maddələr Araz çayına tökülür. Həmişəki kimi, bu faciə də baş verəndə İran rejiminin müxtəlif orqanları və yüksək səviyyəli dövlət adamları iddia eləmişdilər ki, nigarançılığa yer yoxdur, ətraf mühitin və suyun zəhərlənməsinin qabağı alınacaq. Amma bu faciədən bir aydan artıq keçməsinə baxmayaraq, məntəqədə sakin olan əhalinin verdiyi məlumata görə, İran hökuməti baş verən faciə ilə bağlı yalan vəd vermədən başqa bir əməl ortaya qoymayıb.

Güney Azərbaycanda fəaliyyət göstərən anonim, müstəqil və tərəfsiz ekspertlərin nəzərinə görə, Məzrə mis mədəninin zəhərli tullantısı 1 milyon kub metirdən artıqdır. Bunun suda və ətraf mühitdə dağılması böyük faciə sayılır və yüz ildən artıq çəkər ki, təbiət sağlam vəziyyətinə qayıtsın.

İran hökumətinin irqçi iqtisadi siyasəti səbəb olub Güney Azərbaycanda nə sənət və nə də əkinçilik beynəlxalq səviyyədə qəbul olunan formada meydana çıxmır. Güney Azərbaycanda əkinçilikdən əlavə, İran rejiminin yanlış siyasəti Güney Azərbaycanı sənət sahəsində də faciəli duruma çıxarıb. Şərqi Azərbaycanın ticarət orqanının rəisi Sadıq Nəcəfinin verdiyi məlumata görə, Şərqi Azərbaycan İranda mühacirət baxımından özünə birinci yer alır. Əgər keçmişdə ancaq işə görə Şərqi Azərbaycandan mühacirət edirdilərsə, hal - hazırda tacirlər və mütəxəsislər də Şərqi Azərbaycandan mühacirət edirlər. Onun fikrinə görə, Şərqi Azərabycanın müxtəlif iqtisadi sahələrində sərmayənin azlığı, texnikanın geriliyi bu problemi gücləndirir. O cümlədən, Şərqi Azərbaycan fabrikalarında vəsaitlər köhnə və sıradan çəxmışdırlar. Elə bu səbəbə görə, fabrikaların faydası çox aşağı enib. Onun fikrinə görə, bu problemin həlli üçün gərək ki, dövlət əməkdaşlıq və yardım edə. Bunlardan əlavə, o, artırır ki, xüsusi sərmayənin də bu vilayətə yüksək səviyyədə qoyulmasının şahidi deyilik. Əlbəttə, məlumat üçün artıraq ki, Amerika və Avropada yaşayan bəzi Güney azərbaycanlılar cəhd etmişdirlər Güney Azərbaycana gedib, bəzi fabrikaları təsis edələr. Amma İran hökuməti müxtəlif bəhanələrlə bu işin qarşısın almışdı və onlara belə məsləhət vermişdi ki, bu fabrikaları fars məntəqələrində təsis edələr. Məşhur bir söz var, deyərlər, bir şey ki aydındır, onun izaha ehtiyacı yoxdur. İran fars rejiminin məqsədi Güney Azərbaycanı bütünlüklə, həm ekoloji, həm də iqtisadi fəlakətdə saxlamaqdır.

Azad Tribun