Contact Us

SON XƏBƏRLƏR

Türkiyə ilə ərəb ölkələri arasında azad ticarət zonası yaradılır

2021.10.20, 07:36
Türkiyə ilə ərəb ölkələri arasında azad ticarət zonası yaradılır

Gunaz.tv

GünAzTv: Türkiyə 3 ərəb qonşusu - Suriya, Livan və İordaniya ilə azad ticarət zonası yaradacaq. Bu barədə plan İstanbulda, ərəb və türk liderlərinin görüşündə açıqlanıb. Görüş Türkiyə və region ölkələri arasında iqtisadi əlaqələrin inkişafının müzakirəsi məqsədilə keçirilib.

BBC müxbiri Conatan Hed xəbər verir ki, Türkiyənin son illərdə Ərəb dünyası ilə ticarət əlaqələrinin sürətlə artmasına baxmayaraq, bunlar Avropa İttiafqı ilə əlaqələrlə müqayisə edilərsə, yalnız azacıq bir hissədir.

Türkiyənin yeni enerjili xarici siyasətinin xüsusiyyətlərindən biri odur ki, o daha çox biznes maraqlarına söykənir. Hər dəfə xaricə gedəndə baş nazir Rəcəb Tayyip Ərdoğan özü ilə türk iş adamlarından ibarət böyük bir nümayəndə heyəti aparır.

Onun hökumətinin elan etdiyi Suriya, Livan və Suriya ilə azad ticarət və səyahət zonası yaratmaq planı da bu maraqlara uyğun gəlir və bu üç ölkə ilə bir neçə ildir ki, mövcud olan azad ticarət danışıqlarına əsaslanır.

Türkiyə və Ərəb liqasının 22 üzvü arasında ticarət son 5 ildə iki dəfədən də çox artıb və ildə 30 milyard dollaradək vəsaitə bərabərdir. Ancaq buna baxmayaraq, Avropa İttifaqı ilə ticarət dövriyyəsinin yanında bu çox az bir məbləğdir.

Türkiyənin baxışlarını şərqə doğru dəyişməsi isə Avropadan və ABŞ-dan narazılığına əsaslanır. Türkiyə bu həftə İrana qarşı Amerikanın dəstəklədiyi sanksiyalara səs verməklə narazılığını bir daha nümayiş etdirdi.

Hökumət hələ də israr edir ki, Avropa İttifqına üzvlük onun əsas xarici siyasət hədəfi olaraq qalır. Ancaq bu təşkilata üzvlük Kipr adası problemləri ucbatından dalana dirənib. Və sürətlə inkişaf edən iqtisadiyyatı olan Türkiyə üçün Avropa İttifaqı indi əvvəllər olduğu qədər cəlbedici bir məqsəd deyil.

Yeri gəlmişkən, Amerikanın Müdafiə naziri Robert Qeyts Türkiyənin Qərbdən üz döndərməsinə görə, bir neçə gün əvvəl Avropa İttifaqını günahlandırıb. O, deyib ki, Türkiyənin İsrailə qarşı artan düşmənçiliyi Avropa İttifaqının ona üzvlük verməkdən imtinası ilə bağlı ola bilər.

Robert Qeyts deyib ki, Avropada "bəzilərinin davranışı" Türkiyəni İttifaqdan uzaqlaşdırıb və İran kimi ölkələrlə yaxın əməkdaşlığa vadar edib. Fransa və Almaniya kimi ölkələr Türkiyənin Avropa İttifaqına üzvlüyünə qarşı çıxır.

SEÇİLMİŞ XƏBƏRLƏR

Çox oxunanlar