GünAzTv: Ərdoğan Türk-Ərəb Əməkdaşlıq Forumu (TAF) xarici işlər nazirlərinin 3-cü toplantısı və TAF İqtisadiyyat Forumunun 5-ci yığıncağında çıxış edib.Ərdoğan çıxışında BM Təhlükəsizlik Şurasının İrana qarşı sanksiya qərarını qiymətləndirib: «Biz «xeyr» deməmiş olsaydıq, özümüzü inkar etmiş olardıq, imzalarımızı inkar etmiş olardıq, bu qürursuz bir davranış olardı. Biz bu qürursuzluğu qəbul edə bilməzdik. Belə bir səhvə ortaq olmaq istəmirik. Çünki tarix bizi bağışlamaz. Gələcək nəsillər bizi bağışlamaz. Ona görə də «biz mövqeyimizi prinsipial olaraq sərgiləmək vəziyyətindəyik» dedik və bu addımı atdıq. Bu gün də məsələnin diplomatik yollarla həll edilməsini təmin edirik, bu səylərimiz davam edəcək və əldə olunan nəticəyə kimsənin başqa mənalar yükləməməsi lazım olduğunu xatırlatmaq istəyirəm.Biz Tahran razılaşmasına gedərkən bu razılaşmanın mərhələlərini təyin edərkən BMT Təhlükəsizlik Şurasının daimi üzvlərinin hamısı ilə bu işin müzakirələrini apararaq bu addımı atdıq. Təfərrüatlara varmıram, buna ehtiyac yoxdur. Bizim buradakı hədəfimiz hər şeyi danışıqlar masası ətrafında həll etməkdir. Silahla, embarqo ilə, dışlamaqla bir nəticə əldə etmək olmaz. Dünya bunun nümunələrini görüb və əvəzini çox ağır ödəyib. İraqda hələ də əvəz ödəyirik, Əfqanıstanda əvəz ödəyirik. Milyonlarla insan öldü, 7-dən 70-ə insanlar öldü. Bu anda İraqda yüz minlərlə dul qadın var. Bunların məsuliyyətini kim daşıyır? Bunun cavabını tapmağımız lazımdır».Türk-ərəb münasibətlərinə  toxunan baş nazir İstiqlal Marşının müəllifi, mərhum şair Məehmet Akifin türklərlə ərəblərin qardaşlığını çox mənalı iki sətirlə ifadə etdiyini yada salıb: «Türk ərəbsiz yaşaya bilməz, kim ki yaşaya biləcəyini deyirsə, dəlidir, ərəb türk ərəbin həm sağ gözüdür, həm sağ əlidir».Ərdoğan ərəb ölkələri ilə münasibətlərinin sıxlaşmasına verilən reaksiyalara da toxunub: «Ərəb ölkələri ilə, yəni ortaq coğrafiyanı paylaşdığımız, ortaq bir mədəniyyəti paylaşdığımız qardaşlarımızla isti əlaqələr qurmağımız ölkələrimizin rifahı və dincliyi üçün mübarizə aparmağımız müxtəlif şərhlərin ortaya atılmasına səbəb olur. Xüsusilə bu günlərdə, Türkiyə daxilində və beynəlxalq mətbuatda «Türkiyənin oxumu dəyişir», «Türkiyə fərqli bir məcrayamı gedir», «Türkiyə Qərbdənmi uzaqlaşır» şəklində şərhlər edılır. On illərdir Türkiyənin ərəb dünyası ilə əlaqələrini pərdələmək, örtmək, maneə törətmək səyi içində olanlar bu gün bir daha bu səylərinə davam edirlər».Avropa Birliyinin Türkiyəyə qarşı qərəzli mövqeyi  də baş nazirin çıxışında öz əksini tapıb: «Bunu xatırlatmaqda fayda görürəm - Türkiyə ozamanki adı ilə Avropa İqtisadi Birliyinə üzv olmaq üçün 1959-cu ildə ilk müraciətini etmişdi. Aradan keçən 46 ildə heç bir ciddi konkret addım atılmadı. 2005-ci ildə biz üzvlük müzakirələrini başlatdıq, bu anda da bu müzakirələr davam edir. Avropa Birliyi daxilində olan ölkələr müzakirələri zəiflətməyə çalışır, maneə çıxarmaq istəyənlər olur, Türkiyənin üzvlüyünü mübahisəyə çevirmək istəyənlər, şövqümüzü qırmaq istəyənlər olur. Heç birinə əhəmiyyət vermirik, biz islahatlarımızı davamlı olaraq həyata keçiririk. Əslində gizli niyyətlərinin də fərqindəyik, amma buna baxmayaraq Avropa Birliyi üzvlüyünün tələbləri nədirsə, bunu etməyə davam edirik. Əslində bu bir testdir. Avropa Birliyi bir testə tabe olduğunun hələ də fərqində deyil». Qəzzənin mühasirəsindən danışan Ərdoğan illərdir beynəlxalq cəmiyyətin, beynəlxalq təşkilatların bu qeyri-insani əməllərə göz yumduqlarını və altdan-alta təşviq etdiklərini dilə gətirib: «Bu proses artıq bu şəkildə davam edə bilməz, etməməlidir. Qəzzə mühasirə altındaykən bölgəyə sülh və sabitlik gələ bilməz. Bizə nə deyirlərsə, desinlər, biz doğru bildiyimiz yoldan, inandığımız qanunlardan əsla dönməyəcəyik. Bu nöqtədə ərəb ölkələrinin də məsələnin dincl yollarla həlli üçün artıq daha çox təşəbbüs göstərmələrini gözlədiyimizi bir qardaş olaraq ifadə edirəm. Daha çox təşəbbüs. Fələstin İsrail problemi ortada beləcə dayanarkən heç bir ölkənin tam mənasıyla rifah və sabitliyi təsis edə bilməyəcəyi artıq ağrılı təcrübələrlə isbat olub. Zamanımız ixtilafları çoxaltma deyil, ittifaqları gücləndirmək zamanıdır. Nə mən, nə hökumətim, nə Türkiyə bölgədə rol əldə etməyin, şou göstərməyin marağında deyilik.Türk xarici siyasətində  bir ox sürüşməsindən, bir istiqamət  dəyişikliyindən bəhs edənlər, açıq söyləyirəm, bu inkişafları görməyənlərdir, görmək istəməyənlərdir. Türkiyənin Qərbdən uzaqlaşdığını iddia edənlər pis niyyətli bir təbliğatın daşıyıcılarıdır. Yüz il boyunca Türkiyə ilə ərəb dünyası bu pis niyyətli təbliğatın bir nəticəsi olaraq bir-birinə arxa çevirmiş, bir-birindən uzaq qalmışdı. Fransa gəlir ərəb ölkələrinə sərmayə qoyur, İngiltərə, Almaniya, İtaliya, ABŞ gəlir ərəb ölkələrinə sərmayə qoyur. Ərəb ölkələri gedir bu ölkələrə sərmayə qoyur. Amma iş Türkiyənin ərəb ölkələrinə, ərəb ölkələrinin Türkiyəyə sərmayəsinə gəlincə, dövrəyə çirkli əllər girir, çirkli bir təbliğatla prosesiə maneə törətməyə çalışırlar». Bizim yol