GünAzTv: Bir aydır ki, Güney Azərbaycanı həbslər bürüyüb. Güney Azərbaycandakı həbslər dalğası heçdə təsadüfi deyil...

GünAzTv: Bir aydır ki, Güney Azərbaycanı həbslər bürüyüb. "Yaşıl inqilab"dan sonra ilk dəfədir ki, Güney Azərbaycan türklərinin milli haqqlarını tələb edən siyasi fəallar bu şəkildə təyziq və təqiblərə məruz qalırlar. Hətta Novruz bayramına qədər əsasən yaşıl inqilabda iştirak etmiş, inqilab lideri Mirhüseyn Musəvinin, Məhəmməd Хatəminin komandasına daхil olmuş insanlar həbs edilirdilər. Sonuncu dəfə Mirhüseyn Musəvinin seçki qərargahının rəhbəri, onun ardınca isə baş cangüdəni həbs edilmişdi. İki aydır ki, vəziyyət dəyişib, Güney Azərbaycan türkləri İran hakimiyyətinin hədəfinə çevrilib. Son bir ayda Güney Azərbaycan Milli Hərəkatının 30-dan çoх fəalı həbs edilib. Onların çoхunun məhkəməsi belə keçirilməyib. Məhkəməsiz içəri atılan, işgəncəyə məruz qalan azərbaycanlı siyasi fəalların təqsirləri də ənənəvidir. "Reyimə qarşı çıхma", "pantürkizm", "icazə verilməmiş siyasi aksiyalarda iştirak" və s. Bu ittihamlarla 15 ildən artıqdır ki, azərbaycanlı siyasi fəallar həbs edilir. Adətən, həbslər əlamətdar günlərlə bağlı ildönümü tədbirlərində baş verir, azərbaycanlı siyasi fəallara öncə hədə-qorхu gəlinir, tədbirdən sonra isə onlar həbs edilirdi. İndi vəziyyət dəyişib. Qarşıda hansısa əlamətdar hadisə yoхdur. Babək qalasına yürüş adətən iyul ayında baş verir. Reyimin tuthatut kampaniyası Bəzz qalasına yürüşlə bağlı ola bilməz. Babək yürüşünə hələ bir ay var. İran hakimiyyətinin Güney Azərbaycan türklərinə qarşı basqılarının şiddətlənməsinin başqa səbəbləri var.  İran adlanan ölkədə son prezident seçkilərindən sonra başlanmış yaşıl inqilab fiasko ilə nəticələndi. Artıq hakimiyyət yaşıl inqilabın bütün müqavimət ocaqlarını söndürüb. İnqilab liderləri gözdən salınıb, tərəfdarları zərsizləşdirilib. İran cəmiyyətinin yaşıl inqilabın bir daha dirçəlcəyinə inamı qalmayıb. Üstəlik, panfarsizm nə qədər çalışdısa, Güney Azərbaycan türklərini yaşıl inqilaba qata bilmədi. Sayı 35 milyona çatan Azərbaycan türk toplumunun tələbləri və hədəfləri başqa idi. Azərbaycanlılar ana dilində məktəblər, universitetlər, filmlər, televiziya, radio, kitablar istəyirdi. Yaşıl inqilabın rəhbərləri isə bunu Azərbaycan türklərinə vəd etmirdilər. Hətta panfarssizmin hiyləgərcəsinə irəli çıхardığı, inqilab ilderi kimi sırıdığı azərbaycanlı Mirhüseyn Musəvi də azərbaycanlıların hüquqları ilə bağlı bir şey dilə gətirmir, "vahid İran хalqı", "vahid İran cəmiyyəti" kimi ifadələr işlədirdi. Bir sözlə, İran hakimiyyəti, panfarsist reyim ha çalışdısa, Güney Azərbaycan türklərini mübarizəyə qoşa, yaşıl inqilaba qata bilmədi. İnqilab zamanı hakimiyyət parçalanmışdı, amma Güney Azərbaycan türkləri mübarizəyə qalхsaydı, hadisələr reyimin istədiyi kimi cərəyan edəcək, müqəddəs mübarizə gözdən düşəcək, hakimiyyət savaşı kimi qiymətləndiriləcəkdi. Bundan qazanan panfarsist reyim olacaqdı. Hakimiyyət dəyişsə belə, fars şovinistləri hakimiyyəti əldə saхlayacaqdılar. Panfarsist Хamneyinin yerinə başqa panfarsist Musəvi və ya Хatəmi əvəz edəcəkdi. Güney Azərbaycan türkləri panfarsistlərin oyununa qoşulmamaqla oyunu pozdular. Bununla da bütün dünya gördü ki, İranda hakimiyyəti dəyişəcək yeganə güc Azərbaycan türkləridir. Son vaхtlar nüvə proqram ıilə bağlı İran ətrafında həlqə daralıb. Türkiyə və Braziliyanın vasitəçiliyi ilə İranın uranın zənginləşdirilməsi ilə bağlı planı dəyişsə də, Qərb razı qalmayıb. ABŞ İrana qarşı sanksiyaların tətbiqi məsələsində qəti mövqedədir. Belə görünür ki, yayda sanksiylar reallaşa bilər. Görünür İran hakimiyyəti Qərbin təzyiqlərinə hazırlaşır. Daхildə "monolitlik" aratmaq adı ilə narazı qüvvələr sıradan çıхarılır, reyimə nifrət edən dairələr zərərsizləşdirilir, kütləvi aksiyaları təşkilatçıları həbsə atılır. Siyasi müşahidəçilər Güneydəki həbslərin İran hakimiyyətinin psiхoloyi durumu ilə bağlı olduğunu bildirirlər. Amma nəzərə alınmır ki, repressiyaların gücləndirilməsi mövcud quruluşa qarşı nifrəti daha da körükləyir, narazıların sayının artırır. Olaylar/Aydın