Contact Us

SON XƏBƏRLƏR

Hüseyn Nəsiri ailəsi ilə yarım saatlıq görüşüb

2021.10.20, 07:36
Hüseyn Nəsiri ailəsi ilə yarım saatlıq görüşüb

Gunaz.tv

GünAzTv: Milli-mədəni fəal cənab Hüseyn Nəsirinin ailəsi dəfələrlə səlahiyyətli orqanlara müraciət etdikdən sonra nəhayət ki, Nəsiri ilə görüşləri baş tutub.

 

GünAzTv mətbuat mərkəzinin “Öyrənci” saytına istinadən yaydığı məlumata görə, Hüseyn Nəsiri 30 dəqiqəlik görüşdə, dəvamli sorğu-suala tutulduğunu və ruhi işgəncəyə məruz qaldığını bildirib.

 

Görüş 2010-cu il may ayının 30-da (1389-cu il xordad ayının 9-u) Təbrizi zindanının 37-ci otağında baş tutub.

 

Qeyd edək ki, hazırda Təbrizin ETTELAAT (İran Kəşfiyyat Nazirliyi) idarəsində saxlanılan Hüseyn Nəsiri, 2010-cu il aprel ayının 2-də (fərvərdinin 13-ü) Azərbaycanlıların Urmu Gölünün qurudulmasına dair etiraz Yığıncağında iştirak edərkən İran Təhlükəsizlik Qüvvələri tərəfindən tutuqlanıb.

 

Xatırladaq ki, cənab Nəsiri 2007-ci il aprel ayının 26-da (1386-ci il ordibeheşt ayının 6-ı) 22 may milli qiyamın ildönümünə aid bildiriş yaydığı ittihamı ilə yaxalanıb, 81 gün saxlanıldıqdan sonra 30000 dollarlıq (30 milyon tümən) mülki vəsiqə qarşılığında azadlığa buraxılmışdı. Həmçinin Cənab Nəsiri 2009-cu il dekabr ayının 29-da (1388-ci il dey ayının 8-i) tanınmış milli fəal mərhum Çingiz Bəxtavərin dəfn mərasimində İran təhlükəsizlik Qüvvələri tərəfindən döyülüb və yaralananlardan biri olub.

SEÇİLMİŞ XƏBƏRLƏR

Çox oxunanlar