NATO Türkiyənin tələbi ilə fövqəladə iclas keçirəcək

SON XƏBƏRLƏR

NATO Türkiyənin tələbi ilə fövqəladə iclas keçirəcək

2021.10.20, 07:36

Gunaz.tv

GünAzTv: İyunun 1-də Türkiyənin tələbi ilə NATO İsrailin Qəzzaya yardım aparan donanmaya hücumunu müzakirə etmək üçün fövqəladə iclas keçirəcək.Alyansın sözçüsü Ceyms Appaturayın sözlərinə görə, NATO beynəlxalq sularda insan tələfatından dərin narahatlıq keçirir.GünAzTv mətbuat mərkəzinin “Azadlıq radiosu”-na istinadən yaydığı məlumata görə, İclasda NATO-ya üzv olan 28 ölkənin səfirləri iştirak edəcək.İsrail ordusu mayın 31-i gecə saat 4:30 radələrində Qəzza sektoruna humanitar yardım aparan 6 gəmidən ibarət karvana hücum çəkib.Əl-Cəzirə peyk kanalı məlumat verir ki, Türkiyədən gələn gəmi İsrailin hərbi-gəmi qüvvələrinin hücumuna məruz qalıb.Humanitar yardım aparan gəmilər İsrailin sahil sularından uzaqda olub.Gəmilərdə 70 nəfər könüllü olub. Onların arasında Avropa Parlamentinin deputatları, jurnalistlər də var.

Həmçinin BMT-nin Təhlükəsizlik Şurası da İsrailin hücumunu müzakirəyə çıxardır

Bu gün Bakı vaxtı ilə axşam saat 22-də BMT-nin Təhlükəsizlik Şurasının iclası toplanır. İclası hazırda Şuraya sədrlik edən Livan çağırır. İclasda İsrailin yardım daşıyan gəmi karvanına hücumu müzakirə olunacaq. Son məlumata görə, hücumda azı 9 adam ölüb, 50 nəfər də yaralanıb. Türkiyə İsrailin hərəkətini dövlət terrorizmi adlandırıb. Karvana Türkiyə gəmisi “Mavi Mərmərə” başçılıq edirdi. Gəmidə 600 adamdan 400-ü türk idi.

Bu arada Ag Evin sözçüsü Vilyam Barton İsrailin Türkiyə gəmisinə hücumunda insanların ölümündən dərin təəssüfünü bildirib.

Hazırda Kanadada səfərdə olan İsrailin baş naziri Netanyahu isə Amerikaya səfərini ləğv edib, İsrailə qayıdır.

GUNAZ.TV

SON XƏBƏRLƏR