Contact Us

SON XƏBƏRLƏR

İşqalçı ölkədə ordu ilə hakimiyyət arasında uçurum getdikcə dərinləşir

2021.10.20, 07:36
İşqalçı ölkədə ordu ilə hakimiyyət arasında uçurum getdikcə dərinləşir

Gunaz.tv

GünAzTv: Ermənistanda ordu ilə hakimiyyət arasında uçurum getdikcə dərinləşir. Sarkisyan hakimiyyəti güc strukturları arasında süni qarşıdurma yaradıb. «Xalqın gücü ordunun gücündən daha üstündür». Ermənistan prezidenti Serj Sarkisyan xalqa müraciətində belə deyib. Bildirib ki, xalq ən çətin problemlərin belə öhdəsindən gəlməyə qadirdir. Bu arada, yerli mətbuatda güc strukturlarında ciddi islahatların aparılacağına dair məlumatlar yayılıb. Bildirilir ki, Serj Sarkisyan bəyanatında erməni xalqını ordudan üstün tutmaqla əslində müdafiə sahəsindəki boşluqlara işarə edib. O da qeyd olunur ki, bir neçə gün əvvəl müdafiə naziri Seyran Ohanyanla baş qərargahın rəisi Yuri Xaçaturov arasında ciddi fikir ayrılığı yaranıb və Ohanyan istefa ilə bağlı prezident qarşısında şərt irəli sürüb. Məlumata görə, ordu daxilində qarşıdurma hakimiyyət tərəfindən süni şəkildə yaradılıb. Məqsəd sabiq prezident Robert Köçəryanın əlaltısı hesab olunan qərargah rəisi Xaçaturovu vəzifədən uzaqlaşdırmaq və onu indiki hakimiyyətə yaxın namizədlə əvəzləməkdir. Ekspertlər hesab edir ki, son vaxtlar sabiq prezident Robert Köçəryanın yenidən hakimiyyətə qaydacağı ilə bağlı yayılan məlumatlar Sarkisyanı ciddi təşvişə salıb. O, qısa vxatda hakimiyyətdə təmsil olunan Köçəryana yaxın şəxsləri yüksək vəzifələrdən uzaqlaşdırmağa çalışır. Bu baxımdan Xaçaturov başda olmaqla dövlət strukturlarında çalışan digər şübhəli şəxslərin yaxın bir neçə ayda hakimiyyətdən uzaqlaşdırılacağı istsina edilmir.

SEÇİLMİŞ XƏBƏRLƏR

Çox oxunanlar