GünAzTv: Gürcüstan Xarici İşlər Nazirinin Müavini Nino Kaladze rəsmi İranla münasibətlərdə yeni mərhələnin başladığını bildirib. Kaladze bu açıqlamanı Mayın 22-də Tiflisdə Gürcüstan və İran Xarici İşlər Nazirlikləri arasında imzalanan “KİV əməkdaşlığına dair” müqavilədən sonra keçirilən mətbuat konfransında verib. İran Xarici İşlər Nazirliyinin mətbuat xidmətinin rəhbəri   Ramin Mehmanpərəst isə iki ölkə araslnda vizə rejiminin qaldırılması ilə bağlı siyasi razılaşma olduğunu açıqlayıb. Mayın 24-də bu açıqlamanı təsdiqləyən Kaladze vizə məsələsiylə bağlı texniki işlərin həllinə başlandığını vurğulayıb. O, bu məsələnin iki ölkə arasında iqtisadi münasibətlərin gücləndirməsinə, xüsusən ticarət və turizmin inkişafına xidmət edəcəyini vurğulayıb.

İran-Gürcüstan münaisbətlərindəki fəallaşma ABŞ-ın da diqqətini cəlb edib. Xatırladaq ki, Gürcüstan Prezidenti Mixail Sakaşvili ABŞ-ın qarşı çıxdığı İran-Türkiyə-Braziliya arasındakı  uran mübadilə razılaşmasını dəstəkləmişdi. İndi yenə İrana qarşı yeni sərt embargo tətbiqinin gündəmdə olduğu dövrdə Gürcüstanın bu ölkə ilə münaisbətlərini gücləndirməsi və vizə rejimini ləğv edəcəyini açıqlaması ABŞ baxımından arzu edilməyən bir prosses olaraq görülməkdədir. Önümüzdəki ayda Gürcüstan Baş Naziri Nika Qilaurinin Tehran və İran Xarici İşlər Naziri Möntəzir Muttakinin Tiflisə gozlənilən səfərləri iki ölkə arasında bu prosesin daha da güclənəcəyini göstərməkdədir. Həm Kaladze, həm də digər Gürcü rəsmiləri verdikləri açılamalarla bu münasibətlərin iqtisadi motivli olduğunu və ABŞ-la strateji münasibətlərin önəmi vurğulayaraq rəsmi Vaşinqtonun u istiqamətdəki narahatçılığın aradan qaldırmaya çalışıblar. İran rəsmiləri isə hər fürsətdə bu münasibətlərin siyasi motivini qabartmağa çalışırlar. Xususən, Saakaşivilinin May ayındakı yeni İran səfiri ilə görüşündə İran Prezidenti Mahmud Əhmədinejadı Gürcüstana dəvət etdiyinə dair xəbərlər ABŞ-da Gürcüstan-İran münasibətlərinin iqtisadi motivi ilə yanaşı, siyasi xarakterini də qabarması şəklində qiymətləndirilməsinə səbəb olmaqdadır. ABŞ-ın bu narahatçılığının fərqində olan Saakaşvili isə 25 Mayda bu mövzuda xəbərlərin ortaya çıxmasından təxminən 10 gün sonra verdiyi açıqlamada  Əhamədinejatı Gürcüstana davət etdiyi iddiasını yalanlayıb. O, İran prezidentinə dəvətin yeni deyil, 4-5 il bundan əvvələ ait olduğunu, ancaq aradan keçən dövrdə çox şeyin dəyişdiyini vurğulayıb. Saakaşvili İran ilə ticari münasibətləri fəallaşdırdıqlarını, siyasi münasibətlərin isə cox sayda beynəlxalq amildən asılı olduğunu qeyd edib. Gürcü prezident kimsəylə  pis münasibətlər istəmədiklərini, xarici siyasətdə rasyonal  və doğru olanı etməyə çalışdıqlarını bildirib.

Obama dövründə Qafzaqdakı siyasətinin mərkəzinə Ermənsitanı qoymağa başlayan və bu  çərçivədə Gürcüstan və Azərbaycanı narahat edən adımlar atan ABŞ admistrasiyası isə səhvlərinin başa düşdüyünü göstərən bəzi işarələr verməyə başlayıb. Bu çərçivədə Qarabağ problemin həlli istiqamətində səylərini müəyyən mənada gücləndirib və Azərbaycan ilə soyuyan münasibətlərini normallaşdırmaya başlayıb. Rəsmi Vaşinqton 26 Maydakı müstəqillik günü münasibətiylə ABŞ Dovlət Katibi Hillari Klinton vasitəsiylə verdiyi təbrik məsajında isə Gürcüstanı “qiymətli dost və partnyor” kimi xarakterizə edib və bu ölkənin müstəqillik və ərazi bütövlüyünü dəstəklədiklərini və iki tərəf arasında əməkdaşlığı daha da gücləndirəcəklərini bildirib. Obama admistrasiya bu çərçivədə Gürcüstanı itirməmək üçün daha da fəallaşması gözlənilir. Araztm