Contact Us

SON XƏBƏRLƏR

Tehranın Moskvaya olan ümidi puç oldu

2021.10.20, 07:36
Tehranın Moskvaya olan ümidi puç oldu

Gunaz.tv

GünAzTv: İran prezidenti Mahmud Əhmədinejad Rusiyanın İrana qarşı sanksiyaya qoşulmasına etirazını bildirərək Kremlin mövqeyini tənqid edib. Mayın 23-də jurnalistlərə açıqlamasında Əhmədinejad Rusiyanın ABŞ-ın antiiran planlarında yer almasından, mayın 17-də nüvə yanacağının mübadiləsi ilə bağlı Tehranda əldə edilmiş üçtərəfli (İran, Türkiyə, Braziliya) razılaşmaya dəstək verməməsindən gileylənib: “Biz Rusiya ilə iki qonşu və dost ölkəyik. Bu dostluğa qarşı çıxmaq, onu aradan götürmək olmaz. İran Rusiya üçün həmişə səmimi və sadiq bir dost olub. Mən rus rəsmilərinin yerində olsaydım, daha ehtiyatlı mövqe tutardım. Tehran bəyannaməsi qarşı tərəflərin bir-biri ilə dil tapmasına yol açıb. Bizim qonşu və dost ölkə olan Rusiyadan gözləntimiz odur ki, bu bəyannaməni müdafiə etsin və ona mane olan müxtəlif bəhanələrin ortaya çıxmasına imkan verməsin”. ABŞ İrana qarşı həyata keçirilməsi nəzərdə tutulan sanksiyanın qətnamə layihəsini mayın 18-də (Tehran toplantısından bir gün sonra) BMT Təhlükəsizlik Şurasına təqdim edib. Vaşinqton qətnamə layihəsinə Rusiya ilə Çinin də dəstək verdiyini bəyan edib. Bu arada isə Türkiyə İranla bağlı telefon diplomatiyasını fəallaşdırıb. “Anadolu” agentliyinin məlumatına görə, Türkiyənin xarici işlər naziri Əhməd Davudoğlu mayın 23-də iranlı həmkarı Mənuçöhr Mottaki və Beynəlxalq Atom Enerjisi Agentliyinin rəhbəri Yukiya Amano ilə telefonla danışıb. Türkiyə İranın Beynəlxalq Atom Enerjisi Agentliyinə məktub göndərməsini sürətləndirməsini istəyir. Tehranda imzalanan İran-Türkiyə-Braziliya anlaşmasına görə, Tehran sazişin mətni ilə bağlı məktubu qısa müddətdə Beynəlxalq Atom Enerjisi Agentliyinə göndərməlidir. Bu işin gecikdirilməsi Türkiyənin də bir vasitəçi kimi narahatlığını artırır. Çünki əks halda ABŞ İrana qarşı sanksiya məsələsini bir az da sürətləndirə bilər. Bu isə Türkiyə və Braziliyanın bütün əməyini heçə endirə bilər. Mayın 17-də Tehranda əldə olunmuş razılaşmaya əsasən, nüvə yanacağı mübadiləsinin yeri Türkiyə olacaq. Anlaşmaya görə, İran Türkiyəyə 1200 kiloqram 3,5 faiz zənginləşdirilmiş uran göndərəcək, əvəzində 1 il ərzində Beynəlxalq Atom Enerjisi Agentliyindən 120 kiloqram hazır nüvə yanacağı alacaq.

SEÇİLMİŞ XƏBƏRLƏR

Çox oxunanlar