Contact Us

SON XƏBƏRLƏR

Əbdülkərim Süruş müxalif ruhanilərə müraciət edib

2021.10.20, 07:36
Əbdülkərim Süruş müxalif ruhanilərə müraciət edib

Gunaz.tv

GünAzTv: Bir neçə ildir ABŞ-da (Amerika Birləşmiş Ştatları)  yaşayan məşhur dissident dinşünas-alim Əbdülkərim Süruş İran hakimiyyətinə müxalif olan ruhanilərə açıq məktubla müraciət edərək onları ölkəni tərk etməyə çağırıb.

Əbdülkərim Süruş islam inqilabından sonra, 1980-ci illərin əvvəlində İranda universitetlərin bağlanması, müxalif düşüncəli müəllim və tələbələrin tədris ocaqlarından qovulmasına rəvac verən Mədəni İnqilab Şurasının üzvü olub. Hazırda Amerikanın Corctaun Universitetində islam və siyasi təfəkkür mövzularında mühazirələr oxuyur.

GünAzTv mətbuat mərkəzinin “Media forum”-a istinadən yaydığı məlumata görə, Əbdülkərim Süruş açıq məktubunda bildirib ki, islamda siyasi mühacirət ədalətsizliyə qarşı bir növ etiraz anlamı daşıyır: “Şəxsiyyətinizin, qürurunuzun hakim qara qüvvələrin ehtirasına bundan artıq qurban getməsinə, adınızın mövcud dini istibdad himayədarları kimi hallanmasına razılaşmayın. İndi artıq sizin - narazı susqunların növbəsidir. Bu gün məzlum insanların sizdən gözləməsi qat-qat böyükdür. Artıq bir küncdə oturub solğun və pərişan halda kiməsə gizli mesaj yollayıb, sonunda da cavab almamaqla kifayətlənməyin”.

Məktubunda İran İslam Respublikası rəhbərlərini “arzuolunmaz Taliban” adlandıran Süruş müstəqil həqiqi ruhanilərin və din alimlərinin “bu zülmkar hakimiyyətin fəsadlarından” əziyyət çəkdiyini, narahat olduğunu yazır: “Artıq nə məhkəmələrdə ədalətdən, nə parlamentdə şücaətdən, nə də hökumətdə gücdən əsər-əlamət qalıb. Bir halda ki, nə hakimiyyətin tərəfindəsiniz, nə də sizdə ona qarşı çıxmaq gücü var, mühacirət etməyiniz məsləhətdir.

Mühacirət dində və “Quran”da zindandan qurtulub zülmkarları ifşa etmək üçün insani və sivil bir mübarizə yolu kimi tövsiyə olunub. Əgər indi sizə “Cihadi-Əkbər” (böyük cihad) etmək mümkün deyilsə, “Cihadi-Əsğər” (kiçik cihad) edin və mühacirətə gedin. İraqın Nəcəf şəhərindəki din və şiə mərkəzi qısa müddət durğunluqdan sonra özünün minillik etibarını yenidən əldə edir. İndi artıq Nəcəf Qumu azad edə, Qum və Məşhəd şəhərlərindəki müxalif ruhaniləri və dini istibdadın qorxusundan nəfəsini içinə qısanları qoynuna ala bilər”.

SEÇİLMİŞ XƏBƏRLƏR

Çox oxunanlar