Contact Us

SON XƏBƏRLƏR

NÖVBƏTİ XƏYANƏT: İran Qarabağ «seçkilərinə» müşahidəçi göndərib

2021.10.20, 07:36
NÖVBƏTİ XƏYANƏT: İran Qarabağ «seçkilərinə» müşahidəçi göndərib

Gunaz.tv

GünAzTv: İlahiyyatçı alimlər bu faktı pisləyərək İran rəhbərliyinə müraciət ediblər.

Dünən Hacı İlqar İbrahimoğlu başda olmaqla ona yaxın ilahiyyatçı bəyanatla çıxış edib. Bəyanatda separatçı Dağlıq Qarabağ rejiminin qondarma “seçkilər” keçirməsi xatırlanır. Qeyd edilir ki, seçkiləri müşahidə edənlər arasında İran vətəndaşı, "İran-Ermənistan dostluq assosiasiyası" adlı qurumun təmsilçisi kimi təqdim edilən Mirqasım Momeni adlı şəxsdə iştirak edib. İranda fəaliyyət göstərən QHT təmsilçisinin «seçkilərə» qatılmasını pisləyən ilahiyyatçılar bu faktın həm hüquqa, həm qanuna, həm də inanc dəyərlərinə zidd olduğunu bəyan edirlər: “İşğal olunan ərazilərdə istənilən seçkilərin keçiriməsi beynəlxal hüquqa ziddir. Bu qondarma seçkiyə legitimlik donu geyindirməyə gələnlər sırasında  müsəlman ölkəsinin, özü də qonşu, qardaş və islami dəyərləri daşıyıcılığına iddia edən bir dövlətin vətəndaşının da adının keçməsi - böyük bir faciə olardı. Əslində bu iştirak olubsa, Mirqasım Momeni adlı İran vətəndaşı öz ölkəsinin təsbit etdiyi ali islami ideallara, bu idealların yaşanması üçün tökülmüş şəhid qanlarına, yüksək ali dərəcəli mərcəiyyət məqamına həqarət edib”. İlahiyyatçılarımız qeyd ediblər ki, bunun dolayısı ilə qeyri-qanuni rejimin dəstəklənməsinə xidmət etdiyini nəzərə alaraq, işğal olunan ərazilərdə olmaq faktını qətiyyətlə pisləyirlər.Azərbaycan ilahiyyatçıları sonda İslam Cümhuriyyətinin məsul şəxslərinə müraciət edərək separatçı rejimin qondarma işlərinə hər hansı formada dəstək vermiş fərdin əməllərinin araşdırılmasını və cəzalandırılmasını tələb ediblər. bizimyol

SEÇİLMİŞ XƏBƏRLƏR

Çox oxunanlar