Stokholmda aksiya keçirildi

SON XƏBƏRLƏR

Stokholmda aksiya keçirildi

2021.10.20, 07:36

Gunaz.tv

GünAzTv: May ayının 23 də Stokholmun Sergelstog meydanında soydaşlarımızın təşkilatçılığı ilə mitinq keçirildi. Tədbir dörd il bundan əvvəl mayın 22-də Azərbaycanın güneyində baş vermış və hazırda Xordad qiyamı ilə yadda qalan Güney Azərbaycan hadisələrinə həsr edilmişdi.

Mitinqdə yuzdən artıq soydaşımız fəal iştirak etməklə yanaşı digər millətlərin nümayəndələri də qoşulmuşdular. Müxtəlif dillərdə yazılmış şüarlar, broşurlar və qətnamələr miting iştirakçılarının istifadəsinə verilmişdi. Güney Azərbaycanın azadlıq və mübarizə simvolu olan qırmızı rəngli bayraqlar meydanda öz əksini tapmışdı.Əksər çıxışçılar isə güney Azərbaycanda yaşayan soydaşlarımızın problemlərini önə çəkərək onların tezliklə həll olunması üçün milli birliyimizə daha çox ehtiyac duyulduğuna xüsusi işarə etdilər.

Mitinqin önəmli cəhətlərindən biri də İsveçdə fəaliyyət göstərən əksər təşkilatlarımızın bu işə dəstək verməsi və aksiyada yaxından iştirak etmələri idi. Mitinq səhər saat 10- dan başlayaraq 12-ə qədər nəzərdə tutulsa da güclü yagışlı hava olmasına baxmayaraq 12.30-a qədər davam etdi.

Tədbirə Finlandiyadan AMAT nümayəndəsi Çingiz Göytürk, Almaniyadan 21 Azər təşkilatından Behruz Həqqi, Hollandiyadan GAİP nümayəndəsi Elnur Mərəndli xüsusi olaraq qatılmışdılar. Linköping şəhərində yaşayan söydaşlarımızın uzaq məsafədən Stokholma gəlməklə fəal olaraq tədbirə qatılmaları qeyd olunmalıdır. Onu da qeyd edək ki, bu soydaşlarımız Stokholmda keçirilən bütün tədbirlərdə fəal iştirak edirlər.

Qaynaq: Azadtribun

GUNAZ.TV

SON XƏBƏRLƏR