Contact Us

SON XƏBƏRLƏR

Ozan Araz Elsəs Qardaş ölkədə konsert verib

2021.10.20, 07:36
Ozan Araz Elsəs Qardaş ölkədə konsert verib

Gunaz.tv

GünAzTv: Böyük ozan, Güney Azərbaycanın özgürlük səsi olan Araz Elsəs qardaş ölkə Türkiyənin paytaxtı Ankarada yüzlərcə insanın qarşısında böyük konsert verib. Türkiyənin Blue Wolf qrupunun müşayiəti ilə keçirilən konsertin günü təşkilatçılar tərəfindən özəlliklə 22 may seçilib.

Konsertin təşkilatçılarından, Ankarada yaşayan soydaşımız Zaur Bayramlıdan aldığımız məlumata görə, konsertdə Güneyli-Quzeyli Azərbaycandan olan soydaşlarımızla yanaşı, Türkiyədən də çox sayda insan Arazı izləmək üçün gəliblər. Türkiyə Məmurların Həmkarlar İttifaqının baş katibi Fahrettin Yokuş, Türkiyə Enerji Sendikası Başkanı Əhmət Özcan, Avrasiya Aydınlar Cəmiyyəti Başkanı Ahmet Yılmaz, Iğdırlılar Dərnəyi İdarə Heyəti üzvləri Necati Alkış, Eyup Kartalkaya, Azərbaycan Kültür Dərnəyinin rəhbərliyi, Azərbaycan Qadın Hüquqları Cəmiyyətinin həmsədri Xanım Xəlilova, Azərbaycan Tələbə və Məzunlar Birliyi başkanı Elnur Paşa və başqaları da seyrçilər arasındaydı.Çox böyük coşqu ilə keçən konsertə gənclərin tez-tez səsləndirdikləri “Azərbaycan bir olsun, paytaxtı Təbriz olsun”, “Qarabağ bizimdir, bizim olacaq”, “Bozqurd Araz” kimi şüarlar ayrı bir gözəllik qatıb.Zaur Bayramlının sözlərinə görə, bundan sonra Araz Elsəsin Türkiyənin başqa yerlərində də konsertləri təşkil ediləcək. “Biz Araz Elsəslə belə qərara gəldik ki, bundan sonra Güney Azərbaycanın səsini Türkiyə üzərindən dünyaya çatdıraq. Araz növbəti diskini Blue Wolf qrupu ilə birlikdə Türkiyədə çıxaracaq”, - deyə o bildirdi.

SEÇİLMİŞ XƏBƏRLƏR

Çox oxunanlar