Kürün suyunun səviyyəsi qalxmağa dəvam edir

SON XƏBƏRLƏR

Kürün suyunun səviyyəsi qalxmağa dəvam edir

2021.10.20, 07:36

Gunaz.tv

GünAzTv: Sarısu gölü ətrafında yerləşən Sabirabadın Muradbəyli kəndindən sakinlər evlərini tərk etməyə başlayıblar.

Azərbaycanın Sabirabad, Saatlı, İmişli rayonlarının ərazisində yerləşən Sarısu gölündə suyun səviyyəsi dünəndən bu günə kimi 20 santimetr qalxıb. Bu barədə fövqəladə hallar nazirinin müavini Orucəli Hacıyev bildirib.

Nazir müavini deyib ki, hazırda əraziyə FHN-in əlavə qüvvələri cəlb olunub: “Küləyin yaratdığı ləpələr Sabirabadın Muradbəyli kəndinə gedən yolda problemlər yaratdığı üçün maşınların hərəkəti dayanıb. Hazırda bütün qüvvələri cəlb edərək problemi aradan qaldırmağa çalışırıq. Fövqəladə Hallar Nazirliyinin qüvvələri ilə yanaşı, Müdafiə Nazirliyinin şəxsi heyəti də burada işləyir”.

O. Hacıyevin sözlərinə görə, Sarısu gölü ətrafında bənd bərkitmə işlərinə yetərincə texnika cəlb olunub.

Nazir müavini Kürdə suyun səviyyəsinin 12 santimetr qalxdığını da bildirib.

O, FHN-in ətraf ərazilərdə olan kəndlərin əhalisinin evakuasiyası üçün hər an hazır olduğunu açıqlayıb. Əhaliyə uşaqları, yaşlıları, qadınları təhlükəli hesab olunan ərazilərdən çıxarmaq barədə xəbərdarlıq edilib.

Müdafiə Nazirliyinin göl ətraflında bənd bərkitmə işlərinə cəlb olunan qüvvələrinə rəhbərlik edən general-leytenant Kərim Vəliev ərazidə vəziyyətin təhlükəli olduğunu deyib. Onun sözlərinə görə, hazırda ərazidə nazirliyin 1000-dən çox əsgəri bənd bərkitmə illər ilə məşğuldur.

Sarısu gölü ətrafında yerləşən Sabirabadın Muradbəyli kəndindən sakinlər evlərini tərk etməyə başlayıblar.

Ötən gecə hava küləkli olduğu üçün göldə artan su ləpələr bəndin üstünə çıxıb, yola tökülən torpaq yumşaldığından bənd bərkitmə işlərində problemlər yaranıb. Böyük tutumlu maşınların bir hissəsi ərazidən çıxa bilmirlər. Sabirabadın mərkəzindən rayonun Qasımbəyli kəndinə gələn yolda təhlükə yaranıb.

Araz çayında suyun səviyyəsi qalxıb, çayın üzərindən keçən asma körpü ətrafında yolun yuyulma təhlükəsi yaranıb. Bu yol hazırda Qasımbəyli, Novruzlu, Əsgərbəyli, Muradbəyli, Axtaçı və başqa kəndlərin rayon mərkəzi ilə əlaqəsini təmin edən yeganə yoldur.

Qeyd edək ki, bu kəndlərə Saatlı istiqamətindən yol olsa da, əraziyə bənd bərkitmə işlər aparmaq üçün daş-çınqıl gətirən iri tutumlu maşınların sayı həddən artıq çox olduğundan, yol bərbad vəziyyətə düşdüyündən kiçik avtomobillər orada hərəkət edə bilmirlər.

Arazda suyun artması nəticəsində Novruzlu kəndi üçün də təhlükə yaranıb.

Hazırda əraziyə Sabirabad rayon hüquq-mühafizə orqanlarının əməkdaşları da cəlb olunub. zaman

GUNAZ.TV

SON XƏBƏRLƏR