Tehran yeni sanksiyalardan qurtula biləcəkmi?

SON XƏBƏRLƏR

Tehran yeni sanksiyalardan qurtula biləcəkmi?

2021.10.20, 07:36

Gunaz.tv

GünAzTv: Bazar ertəsi İran az zənginləşdirilmiş uranı Türkiyəyə göndərib, əvəzində tibbi tədqiqat reaktoru üçün hazır yanacaq almağa razılıq verib.

Bu xəbəri qərb paytaxtlarında müəyyən şübhə ilə qarşılayıblar.

Beləki, əvvəllər də İran bu cür vədlər verərək, sonradan razılıqlardan imtina etmişdi.

BBC-nin diplomatiya üzrə müxbiri Conatan Markus əldə edilmiş sazişə nəzər salır:

Braziliya və Türkiyə öz əlaqələrindən istifadə edərək, İranı yanacaq mübadiləsinə razı sala biliblər. Amma indi hər şey Amerika, Rusiya və Vaşinqtonun avropalı müttəfiqlərinin cavabından asılıdır.

Sözsüz ki, qərb paytaxtlarında skeptisizm güclüdür. Beynəlxalq aləmin dəstəyini qazanmaq üçün təklif olunan planın bütün təfsilatlarını öyrənmək lazımdır.

Lakin bir şeyi aydınlaşdırmaq lazımdır. Təklif edilən sazişə əsasən, İranın 1200 kiloqram az zənginləşdirilmiş uranı Türkiyəyə ötürməsi və sonradan öz tibbi tədqiqatlar reaktoru üçün yanacaq alması əslində etimad yaratma üçündür.

Bu BMT Təhlükəsizlik Şurasının qətnamələrində əks edilmiş tələbləri yerinə yetirmir. Daha dəqiq desək, İranın uranı zənginləşdirmək proqramını dayandırması və keçmişdə nüvə fəaliyyətinə dair suallara cavab verməsi tələblərini.

Türkiyə və Braziliyanın vasitəçiliyi ilə əldə olunmuş sazişin vaxtı da qərb paytaxtlarında narahatlıq yaradır. Yəni hal-hazırda ABŞ İrana qarşı yeni iqtisadi sanksiyaların yeridilməsinə səylərini artırıb.

Türkiyə və Braziliya iqtisadi sanksiyaların qatı əleyhdarlarıdır və İranla mübahisələrin diplomatik yolla həll edilməsinə üstünlük verirlər.

Onlar və İran ümid edirlər ki, əldə edilmiş razılıq yeni sanksiyalar ehtimalını aradan qaldıracaq.

Ən mühüm cəhət odur ki, Türkiyə və Braziliya hazırda Təhlükəsizlik Şurasının üzvləridir. Onlar hər hansı mümkün qətnaməyə səsvermədə iştirak edəcəklər.

İranın nüvə proqramı ətrafında diplomatik fəaliyyət bu sazişdən sonra bir qədər də mürəkkəbləşib. bbc

GUNAZ.TV

SON XƏBƏRLƏR