Contact Us

SON XƏBƏRLƏR

Ankara-Moskva münasibətləri dünya gündəmində

2021.10.20, 07:36
Ankara-Moskva münasibətləri dünya gündəmində

Gunaz.tv

GünAzTv: Rusiya Federasiyasının prezidenti Dimitri Medvedevin 11-12 may tarixlərində baş tutan Türkiyə səfəri ən az bu iki ölkə qədər region və dünya mediasının da əsas gündəm maddəsi oldu. Suriya səfərilə Yaxın Şərq regionuna dair iddiasını daha güclü formada ortaya qoyaraq burada Türkiyəyə gələn Medvedevin səfəri zamanı Türkiyə ilə Rusiya araslnda 25 müqavilə imzalanıb. Bu müqavilələr arasında Türkiyədə ilk atom elektrik stansiyasının tikintisi ilə bağlı müqavilə də var. Müqaviləyə əsasən Rusiyanın yardımı ilə Aralıq dənizi sahillərində qurulacaq stansiyanın tikintisi 20 milyard dollara başa gələcək. Yüksək səviyyəli Rusiya-Türkiyə əməkdaşlıq şürasının yaradılması, viza rejiminin ləğv olunması və digər məsələlər barəsində də razılaşmalar əldə olunub.

 

Türkiyə ilə Rusiya arasındakı yaxınlaşma və imzalanan müqavilələr həm Türkiyə daxilində, həm də xaricdə birmənalı qarşılanmır. Türkiyə daxilində Ərdoğan hökumətinin atom elektrik stansiyasının tikintisi ilə bağlı layihəni həyata keçirmək üçün hər hansı tenderə ehtiyac hiss etmədən onun həyata keçirilməsini hökumətlərarası sazişlə Rusiyaya verməsi uzun müddətdir ki, tənqid olunur. Qərb mətbuatı isə Rusiya ilə son yaxınlaşmasını əsasən Türkiyənin ümumiyyətlə son illərdəki antiqərb mövqeyinin tərkib hissəsi kimi dəyərləndirir. Qərb mətbuatının ən çox üzərində durduğu mövzular, bu iki ölkə arasında imzalanan atom elektrik stansiyasına və enerjidaşıyıcılara dair müqavilələrdir. Müxtəlif materiallarda Soyuq Müharibə dövründə NATO-nun SSRİ ilə əsas cəbhə ölkəsi olan Türkiyənin Rusiya ilə bu qədər yaxınlaşması “qısqanclıqla” qarşılanırkən, bəzi qəzetlər bunun günahının bir qisminin ABŞ və Avropa Birliyində olduğunu da qeyd edirlər. Haqlı olaraq qeyd olunur ki, Türkiyənin maraqlarını çox vaxt öz daxilindəki lobbilərin maraqlarına qurban verən ABŞ və Türkiyəni neçə vaxtdır “yola belə verməyən” Avropa Birliyi bu ölkəyə demək olar ki, alternativ saxlamır. Türkiyə-Rusiya münasibətlərindəki irəliləyişlərin çoxşaxəli maraqların toqquşduğu Qafqaz regionundakı proseslərə necə təsir edəcəyi isə maraqla gözlənilir. araztm

SEÇİLMİŞ XƏBƏRLƏR

Çox oxunanlar