Rusiya və Türkiyə prezidentləri Qarabağ məsələsini müzakirə ediblər

SON XƏBƏRLƏR

Rusiya və Türkiyə prezidentləri Qarabağ məsələsini müzakirə ediblər

2021.10.20, 07:36

Gunaz.tv

GünAzTv: Rusiya prezidenti Ankarada maraqlı mesajlar verib. iki ölkə arasında 25 saziş imzalanıb.

Rusiya Federasiyası prezideneti Dmitri Medvedevin Türkiyəyə rəsmi səfəri zamanı 25 saziş imzalanıb. Razılaşmalar arasında Türkiyədə atom enerjisi stansiyası layihəsi də var. Rusiya enerji naziri İqor Seçin ilə Türkiyənin enerji və təbii ehtiyatlar naziri Taner Yıldızın dünən imzaladığı sazişə görə, Rusiya Mersin vilayətinin Akkuyu qəsəbəsindəki enerji stansiyasını atom enerji stansiyasına çevirəcək. Bu sazişin önəmli xüsusiyyətlərindən biri də budur ki, baş nazir Ərdoğan layihəni həyata keçirmək üçün hər hansı tenderə ehtiyac hiss etmədən onun həyata keçirilməsini hökumətlərarası sazişlə Rusiyaya verib. Mütəxəssislər keçən ildən bəri Ərdoğanın bu addımının Qərbdə rəğbətlə qarşılanmayacağını vurğulayırlar.Prezident Medvedevin səfərinin yadda qalan məqamlarından biri də Türkiyə ilə Rusiya arasındakı viza rejiminin ləğv edilməsinə dair imzalanmış saziş olacaq. Xatırladaq ki, prezident Gül Azərbaycanla Türkiyə arasındakı viza məsələsinə dair sualı akademik Ramiz Mehdeiyevin aprelin əvvəlində Ankaraya səfəri vaxtı ona da verib və Mehdiyevdən «Türkiyə ilə viza rejimini ləğv etsək, bunu İran da tələb edər»cavabını alıb.Prezident Abdullah Gülə yaxın mənbələr vurğulayırlar ki, regionda marağı olub Ankaranın prezident sarayına yolu düşən hər kəs Türkiyə dövlət başçısının Qarabağa dair sualı ilə qarşılaşır. Bu durumdan Rusiya dövlət başçısı da istisna olmayıb. Necə ki, Gül-Medvedyev görüşündən sonra keçirilən müştərək mətbuat konfransında Rusiya dövlət başçısı məsələyə münasibətini bu şəkildə bildirib: «Rusiya Federasiyası və Türkiyə Dağlıq Qarabağ problemini də həll edərək Qafqaz regionunda sabitliyin gücləndirilməsinin tərəfdarıdır. Rusiya Federasiyası bütün fürsətlərdən və təsir gücündən istifadə edərək prosesi irəlilətməyə çalışacaqdır».Türk mətbuatının məlumatına görə prezidentlər bütünlükdə Cənubi Qafqazda vəziyyəti müzakirə ediblər. Rusiya prezidentinin fikrinjə, son vaxtlar Qarabağ nizamlanması istiqamətində «ümidverici» addımlar atılıb. Əlbəttə, Qarabağ münaqişəsi problemli mövzudur. Lakin bu, regionun yeganə problemi deyil. Qarabağ nizamlanması məsələsində son vaxtlar ümidveriji addımlar atılıb. Vəziyyət qiymətləndirilir və bu istiqamətdə irəliləyişlər var», deyə Türkiyənin «Hürriyyət» qəzeti Medvedevdən sitat gətirir.Rusiya prezidenti həmçinin Türkiyə-Ermənistan münasibətlərinin normallaşmasını arzulayıb. «Proses pis getmir. Tərəflərin qarşılıqlı anlayış əldə edəjəyinə ümid edirik. Bu prosesi izləyir və dəstəkləyirik. Bu istiqamətdə əlimizdən gələni əsirgəməyəjəyik», deyə Medvedev bildirib. Prezidentlər həmçinin İranın nüvə proqramını, qaz sahəsində əməkdaşlıq məsələsini, Yaxın Şərqdə vəziyyəti müzakirə ediblər.

GUNAZ.TV

SON XƏBƏRLƏR