Contact Us

SON XƏBƏRLƏR

Artıq böhran vəziyyəti geridə qalıb

2021.10.20, 07:36
Artıq böhran vəziyyəti geridə qalıb

Gunaz.tv

GünAzTv: Bənd bərkitmə işləri yaxın 2-3 gün ərzində başa çatacaq, dağılmış bənd tam şəkildə bərap olunacaq.Azərbaycanın fövqəladə hallar naziri Kəmaləddin Heydərov ölkənin təbii fəlakət zonasında bu gün səhərə olan son məlumatları açıqlayıb.nazir vəziyyətin normallaşmağa doğru getdiyini bildirib: “Bənd bərkitmə məsafəsi artıq qısalıb. Suyun qalxması müşahidə olunmur, hətta bəzi yerlərdə 50-80 santimetrə, 1 metrə qədər azalmalar var. Yəni böhran vəziyyəti geridə qalıb. Köçürülmüş 9 kəndin əhalisinin vəziyyəti normaldır. Hazırda ərazidə bənd bərkitmə işləri ilə məşğuluq. Yaxın 2-3 gün ərzində bənd tamamilə bərpa olunacaq. Paralel olaraq təhlükəli yerlərin həm təhlil olunması, həm də sahil bərkitmə işləri davam edəcək. Çünki qarşıda yenə yağışlı günlər ola bilər”.Kəmaləddin Heydərov təbii fəlakət nəticəsində dəymiş ziyanın hesablandığını qeyd edib: “Bu, bir qədər vaxt tələb edən prosesdir. Ona görə də hazırda konkret rəqəm söyləmək mümkün deyil. Dəymiş ziyan hesablandıqdan sonra vəziyyət bütövlükdə təhlil olunacaq. Biz paralel olaraq kanalların təmizlənməsi işi ilə də məşğuluq. Bəzi yerlərdə kanallar dağılıb, onları ot basıb. Onları təmizləyəndən sonra belə bir təhlükənin olmayacağı qənaətindəyəm. Yenidən belə bir təhlükə ola bilməz”. Daşqının yaranmasına səbəb olan amillər haqda danışan nazir bildirib ki, dünyanın bir çox yerlərində bu cür hadisələr müşahidə olunur: “Bu təbii fəlakətdir və burda başqa səbəb axtarmağa da ehtiyac yoxdur. Çünki son bir neçə gündə mütəmadi yağışlar yağıb, dağlardakı qar əriyib, çaylarda sululuq artıb. Bu tendensiya dünyanın bir çox yerlərində müşahidə olunur. Təhlükənin qarşısını almaq üçün mütəmadi tədbirlər görürük, amma nə qədər yağıntı düşəcəyini öncədən planlaşdırmaq olmur. Bütün bunlar təhlil olunduqdan sonra uzunmüddətli proseslər getməlidir. Xatırlayırsınızsa, 3 il əvvələ qədər qışda Bakıya qar yağmırdı. Amma son bir neçə ildə Bakıya qar yağır. Bu isə dünyada gedən iqlim dəyişikliklərindən xəbər verir. Biz vəziyyətdən çıxış edərək, mütəxəssislərimizi və texnikamızı vəziyyətə uyğunlaşdırmalıyıq”. APA

SEÇİLMİŞ XƏBƏRLƏR

Çox oxunanlar