Əli Xamneyi Qarabağdakı seperatçı rejimlə hər cür əlaqəni haram sayır

SON XƏBƏRLƏR

Əli Xamneyi Qarabağdakı seperatçı rejimlə hər cür əlaqəni haram sayır

2021.10.20, 07:36

Gunaz.tv

GünAzTv: 20 ildir ki, İranın fars rejimi separatçı ermənilərlə əməkdaşlıq edir, bəs bunu kimin ayağına yazaq?

İran Azərbaycanın ərazi bütölüyünü tanıdığını dəfələrlə sözdə bəyanlasa da, ancaq buna əməldə riayət olunmur. Bir tərəfdən Ermənistanla bütün sahələrdə əməkdaşlığını davam etdirən rəsmi Tehran dəgər tərəfdən Azərbaycanın ayrılmaz tərkib hissəsi olan Dağlıq Qarabağdakı separatçı rejimlə də əlaqələrini gücləndirir. Hətta bu günlərdə qonşu ölkənin bəzi kütləvi informasiya agentlikləri Dağlıq Qarabağı Ermənistan ərazisi kimi göstərib. İndi isə İran-Ermənistan Ticarət Palatası Güney Azərbaycanın karxana və digər şirkətlərinə göndərdiyi məktubda Azərbaycanın ərazi bütölüyünü pozub. Sənəddə Dağlıq Qarabağ Ermənistanın ərazisi kimi təqdim olunub. "SalamNews" informasiya agentliyinin Ermənistan-Azərbaycan münaqişəsiylə bağlı İranın ali dini lideri, ayətullah Əli Xamneyiyə ünvanladığı sorğuya cavab verilib. Tehranın Azərbaycan xiyabanında yerləşən İranın ali dini liderinin baş ofisi Ermənistan-Azərbaycan münaqişəsiylə bağlı öz fətva və siyasi mövqeyini açıqlayıb. Sorğuya cavabda belə bildirilir: "Ayətullah Xamneyinin Qarabağ məsələsinə mövqeyi ilk gündən çox açıq və konkret olub. Qarabağ müsəlman torpaqlarıdır. Onun azadlığı uğrunda ölənlər şəhiddirlər. Qarabağı işğal etmiş separatçı rejimlə hər cür əlaqə qurmaq haramdır və qanunla qadağandır. Bu, ilk növbədə bir ayətullah kimi onun fətvasıdır. Bu fətva şəriətin hökmüdür və bütün müsəlmanların mövqeyi belə olmalıdır. Bu həm də ölkə rəhbəri kimi onun siyasi mövqeyidir. Belə ki, separatçı rejimlə hər hansı əlaqə sübut olunarsa, bu barədə cinayət işi qaldırılmalıdır. Onu da bilmək lazımdır ki, bu mövqe heç vaxt dəyişməyəcək". Məlumdur ki, bu gün həm daxili, həm də xarici təzyiqlərlə üzləşən İran uçurumun astanasındadır. Ona görə də nəyin həlal, nəyin haram olduğunu indi müəyyənləşdirmək yadına düşüb. Halbuki Ermənistan Azərbaycanın torpaqlarını işğal edəndə, Xocalıda soyqırım aktı törədəndə rəsmi Tehran öz müsəlman bacı-qardaşlarına kömək etmək əvəzinə, İrəvana yük maşınlarıyla dolu yardım göndərirdi. Buna etiraz edən güneyli soydaşlarımız isə müxtəlif təzyiqlərə məruz qalır və həbs olunurdu. Axı indi də ayətullah Xamneyiyə ölkəsinin Dağlıq Qarabağdakı seperatçı rejimlə əməkdaşlığı məlumdur. Elə məhz bu günlərdə İranda səfərdə olan Dağlıq Qarabağdakı seperatçı rejimin "kənd təsərrüfatı naziri" Armo Tsaturyan rəsmi Tehranla bir milyon dollar dəyərində saziş imzaladıqlarını bəyanlamışdı. İran həmin pulun müqabilində Dağlıq Qarabağdakı separatçı rejimə kənd təsərrüfatı texnikası verməliydi. Bu kimi faktları kifayət qədər artırmaq olar. xalqcebhesi

GUNAZ.TV

SON XƏBƏRLƏR