GünAzTv: Arman təşkilatının 10 min dollar maliyyə girovla azadlığa buraxılan baş katibi Qadir Novruzinin vəkili Nağı Mahmudi “Bizim Yol” qəzetinə telefon söhbətində maraqlı açıqlamalar verib. Müsahibəni olduğu kimi təqdim edirik.

Keçən həftənin sonu Təbriz şəhərinin özəl universitetində yeganə tələbə təşkilatının qapısı da möhürlənib. Arman adlı bu təşkilatın fəaliyyəti dayandırılıb və  bəzi üzvləri məhkəməyə verilib. Arman təşkilatının 10 min dollar maliyyə girovla azadlığa buraxılan baş katibi Qadir Novruzinin vəkili Nağı Mahmudi əməkdaşımızla (Bizim Yol qəzeti) telefon söhbətində maraqlı açıqlamalar verib.

Vəkil deyib ki, təşkilatın xanım üzvü Fatimə Nəsirpur Pişəvəri hakimiyyəti zamanı qadınların hüquqlarının təmini və qəhrəman qadınların Azərbaycanın o dövründə (1944-45-cı illər) rolu haqda jurnal hazırlayıb və Mərənd şəhərində çapa verib. Təbrizin Milli Təhlükəsizk Xidməti (Ettelaat) bundan xəbər tutan kimi, Mərənd şəhərindəki nəşriyyata gedib, jurnalın çapını dayandırıb və xanım Nəsirpurun həbsindən sonra, Arman təşkilatının fəaliyyətinin dayandırılması haqda məhkəmə qərar verib. Xatırladaq ki, Tehran ermənilərinin parlamentdəki nümayəndəsi Georg Vartan \"Bizim Yol\" qəzetinə müsahibəsində bildirmişdi ki, İranda 100 min erməninin 30-dan çox özünə məxsus məktəbi, 26 idman və mədəniyyət ocağı və bir çox təşkilatlar var. Onun sözlərinə görə, ermənilərin İranda vətəndaş hüququ baxımdan heç bir problemi yoxdur. 70 milyondan artıq əhalisi olan İranda, qeyri-rəsmi məlumata əsasən, 35 milyon azərbaycanlı, 8 milyon kürd, 5 milyon bəluç, 1.2 milyon ərəb və 100 min erməni var. İranda yaşayan qeyri-fars xalqlar arasında yalnız ermənilərin ana dilində məktəbləri mövcuddur. Vartan bildirmişdi ki, İranda ermənilər uşaq bağçasından universitetədək öz ana dillərində təhsil alır və universitetdə \"erməni dili\" fakültəsində oxuyurular.Keçən il, Təbriz universitetinin 8 tələbəsi milli hüquqları və kimliklərini mədəni fəaliyyətlərlə tanıtdırmağa çalışmaq üstündə universitetdən qovulub. Bu tələbələrin o zaman vəkilliyini qəbul edən, Məhmudi cənabları \"Bizim Yol\" qəzetinə bildirb ki, milli fəaliyyətlə bağlı məhkəmədə hüquqlarını müdafiə etdiyi şəxslər çoxdur, bunları içində tələbələr də var Onun sözlərinə görə, tələbələrə daha çox təzyiq edilir.Məhmudinin dediklərinə görə, onun müvəkkili Novruzi üç günlük istintaqdan sonra hakim Qazizadənin qərarı ilə 10 min dollar maliyyə girovla müvəqqəti olaraq azadlığa buraxılıb. Məhmudi bildirib ki, Novruzinin ittihamı \"rejimə qarşı propaqanda və Azərbaycan Demokrat Partiyasının təbliği\"-dir. Vəkil deyir ki, Pişəvərinin Demokrat partiyası artıq 60 ildən çoxdur ki, yoxdur. \"Nə Pişəvəri, nə də onun partiyası var, olmayan bir şey necə ittiham mövzusu ola bilər?\",- deyə Məhmudi təəccüb etmişdi. Amma 1915-ci illərdə qondarma erməni soyqırımını hər il 24 apreldə İranda ermənilər qeyd edirlər. Vartanın sözlərinə görə, parlamentdə də bu haqda erməni deputatları nitq söyləyirlər.Beynəlxalq Qadınlar günü münasibətilə Arman təşkilatının üzvi olan xanım Nəsirpurun topladığı məqalələr və materiallarda \"Azərbaycan hərəkatında qadınların rolu\" əsas mövzu olub. Xatırladaq ki, 2001-ci ildən Təbrizdə fəaliyyət göstərən Arman təşkilatı 2003-cü ildə Xocalı soyqırımı ilə bağlı foto-sərgi və konfrans təşkil etsə də, hakimiyyət bu sərgini açılışdan bir gün sonra bağlamışdı. Həmin il, İsfahan və Tehran şəhərində açıq aksiya keçirən ermənilər, Təbrizin Şəhnaz xiyabanında da hakimiyyətin dəstəyi ilə aksiya keçirmişdi, hansı ki, xalqın sərt reaksiyasına tuş gəlmişdi.Azərbaycan tələbərlərinin yaratdığı təşkilatlar bircə-bircə bağlansa da, son ümid Armanın təşəkkülünə idi. Bundan əvvəl, 2004-cü ildə Beynəlxalq Ana Dili Günü münasibəti ilə tədbirə hazırlaşan Zəncan şəhərinin İslami Tələbə Təşkilatının fəaliyyəti hakimiyyət və Təhsil Nazirliyi tərəfindən dayandırılıb və bu təşkilatın baş katibi universitetdən qovulmuşdu.Arman təşkilatının üzvləri açıq məktubla xalq və hakimiyyətə müraciət ediblər. Məktubda yazılıb: \"Bəzi məmurlar istədiyi məqam və vəzifələrə nail olmaq üçün öz xəyallarında Azərbaycan mədəni hərəkatların və tələbə təşkilatlarının fəaliyyətinin qarşısını kəsiblər. Onlar Arman təşkilatının fəaliyyətini dayandırmaq qərarına gəldilər, hansı ki, bu təşkilat bütün fəaliyyətini Ana Yasa çərçivəsində həyata keçirirdi. Universitetdə dörd semester müddətində ana dili (azərbaycan dili) kursları keçirmişdi, onlar bizim fəaliyyət göstərdiyimiz otağı möhürlədilər. Lakin bu universitetin 30 min tələbəsinin fəaliyyətini və maraqlarını necə dayandıra bilərlər\"?!Arman təşkilatı bu həftə, universitet içində aksiya keçirməyi planlaşdırır.Baxmayaraq ki, İran Konstitusiyasının 15-ci və 19-cu maddələrinə əsasən, ölkədə yaşayan bütün etniklər öz ana dilində təhsil almalı, vətəndaş hüquqlarına malik olmalıdırlar. İranda isə yalnız ermənilərinin vətəndaş hüququ təmin olunur.Ermənilərin İranda azadlıqlarına rəğmən, həbsdə olan azərbaycanlı milli fəallar, məhbus hüquqlarından da məhrumdurlar. \"Bizim Yol\"da çap olunan müsahibədə Ərdəbildə həbsxana məmurlarının işgəncə verdiyi fəalların vəkili Məhəmməd Riza Fəqihi müvəkkillərinin12 gündür aclıq aksiyası keçirdiyini bildirmişdi. Aksiyaya əsas səbəb həbsxana məmurlarının bu fəalları edama məhkum olunmuş narkobarona döydürmələri olub. Mart ayında Güney Azərbaycan milli  fəallarının hüquqlarının pozulması faktlarıİran Azərbaycanlıları Məhbuslarının Hüquqlarının Müdafiəsi Təşkilatı keçən ay İranda yaşayan soydaşlarımızın və milli fəalların hüquqlarının pozulması ilə bağlı növbəti məruzəsini yayıb. Ingilis dilində yayılan məruzənin bir üzü də \"Bizim Yol” qəzetinə göndərilib. Məruzəyə əsasən, mart ayında Novruz bayramının tətil günlərində belə, tutulan fəalların istintaqı və həbs cəzalarının verilməsi dayandırılmayıb. - Mart ayının 16-da milli fəal Məhəmməd Rahvər 8 aylıq həbs cəzasına məhkum olunub. - Fars-Azərbaycan dilində yayılan \"Sina\" jurnalının nəşri hakimiyyət tərəfindən \"milli separatizmi yaymaq\" ittihamı ilə dayandırılıb. Həmçinin, 2005-ci ildə bir neçə aydan bir nəşr olunan \"Yarpaq\" jurnalının baş redaktoru Eynaz Tahaya xəbərdarlıq olunub ki, bu dərgini dayandırsın.- Təbriz universitetinin tələbəsi və milli fəal Rəhman Fəzli iki ay bundan əvvəl tutulub və təcridxanada saxlanılır. Bundan əvvəl, o, bir neçə dəfə də tutulub, maliyyə vəsiqə girovu ilə azadlığa buraxılan Fəzli \"ölkədə ixtişaş yaratma, xarici təşkilatlarla əməkdaşlıq və rejim əleyhinə propaqanda etmək\"-də ittiham olunub.- Hazırda Türkiyəyə sığınmış bloqer və mədəni fəal Şahnaz xanım Xiyavi qiyabi olaraq məhkəmədə 8 il həbs cəzasına məhkum olunub. Mart ayında keçiriliən qiyabi məhkəmədə, onu xairici terror təşkilatı olan Xalq Mücahidləri ilə əməkdaşlıqda ittiham ediblər.- Jurnalist və milli fəal Həsən Ərk və İbrahim Dəşti 39 gün təcridxanada qaldıqdan sonra Təbriz İnqilab Məhkəməsi tərəfindən 91 gün həbs cəzasına məhkum olunublar. Onlar \"Günez Tv\"-yə müsahibə verməkdə və rejim əleyhinə propaqanda aparmaqda ittiham olunmuşdu.- Milli fəal Abdullah Səduqi 52 gün təcridxanada saxlanıldıqdan sonra, martın 10-da, 20 min dollar maliyyə girovla müvəqqəti olaraq azadlığa buraxılıb. Səduqi tutulduqdan sonra 21 gün aclıq aksiyası keçirmişdi. “Amnesty İnternational” təşkilatı Səduqinin həbsini pisləyərək, martın 9-da İran hakimiyyətindən onu vəkillə təmin edib, azadlığa buraxmasını tələb etmişdi.- Milli fəal Rıza Əbri də 76 gün həbsdən sonra, 20 min dollar maliyyə girovla azadlığa buraxılıb. İbrahim İsmaili isə 52 gün həbsdən sonra, martın 13-də, 50 min dollar maliyyə girov qoymaqla azadlığa buraxılıb. İsmalili rejimə qarşı propaqanda və Azərbaycan Respublikasına casusluqda ittiham olunub.Renad Menşov