Mühəndis Mir Hüseyn Musəviyə açıq məktub

SON XƏBƏRLƏR

Mühəndis Mir Hüseyn Musəviyə açıq məktub

2021.10.20, 07:36

Gunaz.tv

GünAzTv: Hörmətli qardaşımız cənab Mühəndis Musəvi, sən gedən yol farsistana gedir!!!

Urmu şəhərinin bir sıra milli-mədəni fəalları, işçi fəallar və Azərbaycanlı müəllimlər cənab Mir Hüseyn Musəviyə məktub ünvanlayıblar. Məktubda xülasə olaraq belə qeyd olunur:

Separatçılıq elə bir ağacdır ki, İranda onunla dil və etnik ayri-seçkiliyinə etiraz edənləri o ağacla vururlar. əgər bir gün separatçılar öz məqsədlərinə çatsalar onun məsuliyyəti keçmiş və indiki məsulların o cümlədən 8 il baş nazir olmuş sizin şəxsinizin üzərindədir. Ona görə ki ədalət riayət olunmadı. sizin belə bir termindən istifadə etməyiniz qəbul edilməzdir.

Xatırladırıq ki, son 100 ildə onlar ki fars faşizminə uyublar, elə onların özü İranın irq apartaydına qurban gediblər. diqqətli olun ki bu dəfədə siz Yəpremxanın gülləsinə tuş gəlməyəsiniz.

Hörmətli qardaşımız cənab Musəvi sizin yaşıl hərəkatınız özünü cəmiyyət təbəqələri və millət hisarı ilə məhdudlaşdırıb. Ona görədə müxtəlif millətlərin dəstəyini qazana bilmədiniz. əgər dəyişilməsəniz sizin hərəkatınız fars və bir neçə böyük şəhərlə məhdudlaşacaq və sonda... başqa sözlə desək siz gedən yol farsistana gedir.

İranda yaşayan millətlərin xüsusi ilə nisbi əksəriyyəti təşkil edən türklərin tələbləri Anayasanın bir neçə maddəsi ilə məhdudlaşmır. Ona görədə biz Anayasanın dəyişdirilməsini, türk dilinin rəsmi olmasını və öz müqəddəratımızı təyin etmə hüququnun bərpasını tələb edirik və bu istəklərimizə çatana qədər mübarizəmiz dəvam edəcək.

Xatırladaq ki, keçən günlərdə Mir Hüseyn Musəvi Şərqi Azərbaycanın islahatçıları ilə görüşdə Anayasanın icra edilməmiş maddələrinin icrasını tələb etməklə yanaşı, milli hüquqları uğrunda mübarizə aparan fəallara yönəlik “separatçılara iranın heç yerində yer yoxdur” və ... kimi ifadələr işlətmişdi.

GUNAZ.TV

SON XƏBƏRLƏR