Xanım Faxtə Zamanı London universitetində, İranda qeyri fars millətlərin durumuna aid konfransda çıxış edib

SON XƏBƏRLƏR

Xanım Faxtə Zamanı London universitetində, İranda qeyri fars millətlərin durumuna aid konfransda çıxış edib

2021.10.20, 07:36

Gunaz.tv

GünAzTv: London Universitetinin “Şərq və Afriqa ölkələrin Araşdırma Mərkəzi”ndə İranda fars olmayan millətlərin hazırkı durumu və onların problemlərinə həsr olunmuş konfrans keçirilib. Konfransda insan haqları müdafiəçisi və “Azərbaycanlı Siyasi Məhbusları Müdafiə Komitəsi”nin rəhbəri xanım Faxtə Zamanı çıxış edib.

GünAzTv mətbuat mərkəzinin “Bütöv Azərbaycan Birliyi” saytına istinadən yaydığı məlumata görə, Şənbə günü keçirilən konfransda Xanım Zamanı öz çıxışında İranda dil, mədəniyyət, iqtisad və başqa sahələrdə İranda mövcud olan ayrı-seçkiliyə, habelə fars irqçiliyinə toxunaraq ölkədə yaşayan Azərbaycan türklərinin hüquqlarının bütün sahələrdə pozulmasından və onlara qarşı yürüdülən asimilasiya siyasətindən danışıb.

Faxtə Zamani təmsil etdiyi qurumun insan haqları sahəsində, azərbaycanlı siyasi məhbusların hüquqlarının müdafiəsi istiqamətində göstərdiyi fəaliyyət haqqında bilgi verib. O, ölkədə bütün sahələrdə fars olmayan millətlərə qarşı uyğulanan ayrı-seçkilik siyasətinin keçmiş və hazırkı vəziyyətindən danışaraq bildirib: “2006-cı ildə Azərbaycan türklərin təhqir edən məlum karikatur hadisəsinə etiraz zamanı çox sayda azərbaycanlı öldürüldü, yaralandı və bir çox insan isə həbs edildi. Bu hadisələr zamanı Tehranda fəaliyyət göstərən və başqa mərkəz meyilli insan haqlarını müdafiə təşkilatları azərbaycanlılara qarşı göstərilən bu amansızlıqlar haqqında heç bir reaksiya vermədilər. Onlar Azərbaycanda heç bir hadisə olmamış kimi baş verənləri qıraqdan seyr etməklə kifayətləndilər. Bunun nəticəsində biz azərbaycanlıların haqların müdafiə üçün özümüzün bu sahədə fəaliyyət göstərə biləcək qurum yaratmalı olduğumuzun zərurətin başa düşdük. Bunun nəticəsi olaraq “Azərbaycanlı Siyası Məhbusları Müdafiə Komitəsi”n təsis etdik.”

“Ərəb Ələhvaz” təşkilatlarının təşəbbüsü ilə baş tutan konfransda, ərəb dünyasının və İran ərəblərinin tanınmış simaları Dr.Musa Əlhəsəni, Dr.İmadəddin Cəburi, Dr.Ləmis, Dr.Qəffari, Dr.Əbdüllətif və Dr.Sami, Misir, İraq, Ordon və Əlcəzayirdən ölkələrindən bu konfransa qatılmışdılar.Bununla yanaşı, Güney Azərbaycan, Bəluçistan və türkmənlərin nümayəndələridə konfransda iştirak ediblər. Konfransın gedişatından “Əlcəzirə” və “Əlhəvar” kimi nüfuzlu beynəlxalq televizya kanalları geniş xəbərlər yayınlayıblar.

GUNAZ.TV

SON XƏBƏRLƏR