Contact Us

SON XƏBƏRLƏR

Zümrüd Yağmurun “Günahkarın ölümü” adlı kitabı işıq üzü görüb

2021.10.20, 07:36
Zümrüd Yağmurun “Günahkarın ölümü” adlı kitabı işıq üzü görüb

Gunaz.tv

GünAzTv: görkəmli ziyalı, dəyərli xanım yazıçı Zümrüd Yağmurun “Günahkarın ölümü”adlı roman kitabı işıq üzü görüb.

 

ünahkarın ölümü

Hekayə, esse və incə duyğulu miniatürlərin toplandığı kitabda insan kimliyinin sosial psixoloji mahiyyəti, fərdin özünə və yaşadığı həyata özgələşməsi nəticəsində yuvarlandığı mənəvi sıxıntıların əzabları əks etdirilmişdir. Bu əsərlərdə eyni zamanda yaşadığımız cəmiyyətin problemləri, real həyatda qarşılaşdığımız ictimai-siyasi ədalətsizliklərin insanlara təsiri bədii dillə təsvir olunub.

Kitabda müxtəlif hadisələr qarşısında insanın yaşadığı psixoloji sarsıntılar, ictimai münasibətlərdəki naqisliklər və insani dəyərlər qarşı- qarşıya gətirilərək insan üçün nəyin daha dəyərli və gərəkli olduğunun yolları incəliklə axtarılmışdır.

Kitabı maraqlı edən ən önəmli cəhətlərdən biri də odur ki, müəllif yaşadığı cəmiyyətin problemlərinə laqeyd qalmadığı kimi insanın əzabını həm fərdi olaraq, həm bir vətəndaş kimi, həm də dünyanın bir parçası kimi təqdim etmişdir və bu zaman hər üç halda insanın kimliyini onun özünə xatırlatmağa çalışmışdır.

Kitab  hər üç məqamda özünü axtaran oxucuya onu maraqlandıran məsələlərə cavab tapa bilməkdə yardım edə bilər.

Kitab “Qanun” nəşriyyatında cap olunub. Kitabı www.alinino.az kitab satış mərkəzindən internet üzərindən sifariş edə bilərsiniz.

SEÇİLMİŞ XƏBƏRLƏR

Çox oxunanlar