İranın daha bir casus şəbəkəsi ifşa olunub

SON XƏBƏRLƏR

İranın daha bir casus şəbəkəsi ifşa olunub

2021.10.20, 07:36

Gunaz.tv

GünAzTv: Kuveytdə Daxili İşlər Nazirliyi və Müdafiə Nazirliyinin tərkibindəki İranın Keşikçilər Qvardiyasının (SEPAH) agentləri ifşa olunub.

Casusların İrana müalicə, dini yerlərin ziyarəti və turist səfərləri adı altında getdikləri və İslam İnqilabı Keşikçiləri Qvardiyasının (SEPAH) zabitləri ilə görüşərək, ABŞ-ın (Amerika Birləşmiş Ştatları) Kuveytdəki bazaları barəd əldə edilən kəşfiyyat məlumatlarını ötürdükləri üzə çıxıb

GünAzTv mətbuat mərkəzinin “Yenicağ”-a istinadən yaydığı məlumata görə, Yəməndən sonra Kuveytdə İrana çalışan casus şəbəkəsi çökdürüldü. “Yeni Çağ” AİA “əl-Arabiyyə” telekanalına istinadən xəbər verir ki, Kuveyt hüquq-mühafizə orqanları bu günə qədərki ən böyük əməliyyata imza atıblar. Onlar Kuveyt Daxili İşlər Nazirliyi və Müdafiə Nazirliyinin tərkibindəki böyük casus şəbəkəsini ifşa və həbs ediblər. Həmin şəxslərin İranın Keşikçilər Qvardiyası tərəfindən ələ alındığı önə sürülür. Həbs olunan şəxslərdən çoxlu odlu silah, partlayıcı maddələr, silah-sursat ələ keçirilib. Göz altındakı şəxslərin İrana casusluq etdiklərini etiraf etdikləri bildirilir. “Şarg ul -Avsat” (“Orta Şərq”) qəzeti isə yazır ki, casusların əsas vəzifəsi Kuveytdəki hərbi bazaların koordinatlarının dəqiqləşdirilməsi, buradakı ABŞ bazalarının yerlərinin öyrənilməsi, Kuveyt-Amerika müştərək hərbi təlimlərinin yerlərinin xəritəsi və silah-sursat bazalarının sxemlərini ələ keçirmək olub. Qəzet yazır ki, casuslar İrana müalicə, dini yerlərin ziyarəti və turist səfərləri adı altında gedir və orada İslam İnqilabı Keşikçiləri Qvardiyasının zabitləri ilə görüşərək, əldə edilən kəşfiyyat məlumatlarını ötürürlərmiş.Nəzərə almaq lazımdır ki, Azərbaycandan da İranın kəşfiyyat ocağı olan Qum, Məşhəd kimi şəhərlərə dini ziyarətlər təşkil edilir və bu səfərlərdə çox vaxt eyni dini şəxslər iştirak edirlər. Qeyd edək ki, İranın İnqilab Keşikçiləri Azərbaycan da daxil olmaqla dünyanın bir çox ölkəsində müxtəlif üsullarla şəbəkələrini quraraq, “Xomeyni inqilabı”nı ixrac etməklə məşğuldur. Bir çox müctəhidlərin istifadə olunduğu bu prosses ərəb ölkələrində daha çox “Hizbullah” vasitəsi ilə həyata keçirilirdi. Bir neçə il öncə öldürülən “Hizbullah”ın “dərin adamı” İmad Muğniyə İranın bu “hörmüçək toru”nu quranlardan biri idi və digər öldürülən “Hizbullah”çılardan fərqli olaraq hələ də unudulmamasının arxasında da onun bu kimi xidmətləri dayanır. Çünki onun ölümü İranın casus şəbəkəsinə ən böyük zərbə olmuşdu.

GUNAZ.TV

SON XƏBƏRLƏR