Contact Us

SON XƏBƏRLƏR

Qardaş ölkənin baş naziri dünyanın ən nüfuzlu liderlər sırasında

2021.10.20, 07:36
Qardaş ölkənin baş naziri dünyanın ən nüfuzlu liderlər sırasında

Gunaz.tv

GünAzTv: Dünyanın 100 ən nüfuzlu adamının siyahisi açıqlanıb. Qardaş ölkə Türkiyənin baş naziri Rəcəb Tayyib Ərdoğan dünyanın 25 məşhur siyasətçisi arasında 17-cidir.

GünAzTv mətbuat mərkəzinin İTV-yə istinadən yaydığı məlumata görə, Time jurnalı dünyanın 100 ən nüfuzlu adamının siyahısını  açıqlayıb. Siyahı bir neçə kateqoriyaya bölünüb və reytinq cədvəli hər kateqoriyada 25 nəfər olmaqla müəyyən olunub. “Liderlər” kateqoriyasında ilk yerləri Braziliya prezidenti Luis İqnasio Lula da Silva, Tayvanın Acer şirkətinin top-meneceri Cey Ti van, Amerika Birləşmiş Qərargah Rəisləri Komitəsinin rəhbəri, admiral Mayk Mallen, elə cə ABŞ prezidenti Barak Obama tutur. Siyahıda 17-ci yer Türkiyənin baş naziri Rəcəb Tayyib Ərdoğana verilib. Jurnalın saytında yerləşdirilmiş yazıda Türkiyənin baş naziri “müsəlman”, “sərt dasnışan” və “keçmiş futbolçu” kimi ifadələrlə təqdim olunur. Dünyanın 25 ən qəhrəman şəxsiyyətlərinin siyahısına isə ABŞ-ın keçmiş prezidenti Bill Klinton rəhbərlik edib. 25 ən nüfuzlu incəsənət xadimi kateqoriyasında ilk yerdə italyan mənşəli amerikalı pop müğənni Ledi Qaqa qərarlaşıb. Siyahıya tanınmış televiziya aparıcıları Opra Uinfri və Konan O’Brayen, aktyorlar Robert Pattinsan, aktrisa Sandra Bullok, rejissor Ceyms Kemeron, məşhur britaniyalı müğənni Elton Con, dizayner Mark Yakobs və başqaları da düşüb. Dünyanın 25 ən vacib mütəfəkkiri siyahısında isə birinci yeri qida ilə bağlı mühazirələrin müəllifi Maykl Pollan tutur.

SEÇİLMİŞ XƏBƏRLƏR

Çox oxunanlar