Contact Us

SON XƏBƏRLƏR

İran Dağlıq Qarabağ separatçılarına kənd təsərrüfatı maşınları satır - Rəsmi Bakı isə izahat tələb edir

2021.10.20, 07:36
İran Dağlıq Qarabağ separatçılarına kənd təsərrüfatı maşınları satır - Rəsmi Bakı isə izahat tələb edir

Gunaz.tv

GünAzTv: Dağlıq Qarabağ separatçılarının “kənd təsərrüfatı naziri” Armo Saturyan İranda səfərdədir. İranın “MEHR” agentliyinin məlumatına görə, A.Saturyan İranın Mərkəzi əyalətinin əsas şəhəri olan Arakda jurnalistlərə açıqlamasında İranın dəstəyinə böyük ehtiyac duyduqlarını bildirib.“Ölkəmiz müharibə şəraitində olduğu və müharibə nəticəsində kənd təsərrüfatı texnikası sıradan çıxdığı üçün İranın dəstəyinə böyük ehtiyacımız var. Biz müharibənin ölkəyə vurduğu ziyanları aradan qaldırmaq üçün İranın Mərkəzi əyalətinin kənd təsərrüfatından yararlanmalıyıq”, - deyə separatçı “nazir” qeyd edib.Onun sözlərinə görə, kənd təsərrüfatını yeniləmək üçün İranla 20 kombaynın alınması haqda müqavilə imzalayıblar. Artıq 10 ədəd kombaynı təhvil almışıq: “Bu yaxınlarda 1 milyon dollar dəyərində kombayn və kənd təsərrüfatı ləvazimatının alışını həyata keçirəcəyik”.A. Satoryan iranlı iş adamlarını Qarabağa sərmayə qoymağa çağıraraq, bunun üçün çox yaxşı və münasib şəraitin olduğunu bəyan edib.Qeyd edək ki, İranın “MEHR” agentliyi Dağlıq Qarabağı Ermənistanın əyaləti kimi təqdim edib.

 

Digər xəbərə əsasən, Azərbaycanın Xarici İşlər Nazirliyi İran səfirliyinə nota göndərib. Milli.Az xəbər portalı "SalamNews" informasiya agentliyinə istinadən xəbər verir ki, buna İran tərəfinin Ermənistanın əyaləti kimi təqdim etdiyi Dağlıq Qarabağ separatçı rejiminə kombayn satması səbəb olub.    Azərbaycanın xarici siyasət idarəsi İranın ölkəmizdəki səfirliyindən izahat tələb edir. XİN-in mətbuat xidmətinin rəhbəri Elxan Poluxov deyib ki, İran səfirliyi Azərbaycan tərəfinin sorğusuna cavab olaraq faktın araşdırıldığını bildirib. Araşdırmaların nəticələri barədə rəsmi Bakıya məlumat veriləcək. Qeyd edək ki, İranın Azərbaycandakı səfirliyinin mətbuat katibi Abbas İsgəndəri Milli.Az-a açıqlamasında deyib ki, səfirlikdə Dağlıq Qarabağ separatçıları ilə alış-veriş barədə məlumat yoxdur. O söz verib ki, bu barədə məlumat əldə olunan kimi Azərbaycan ictimaiyyətinə açıqlanacaq.

SEÇİLMİŞ XƏBƏRLƏR

Çox oxunanlar