İran İslam Respublikasının hicab problemi

SON XƏBƏRLƏR

İran İslam Respublikasının hicab problemi

2021.10.20, 07:36

Gunaz.tv

GünAzTv: İran Ali Dini Rəhbərinin “Həcc və Ziyarət” təşkilatındakı nümayəndəsi Seyyid Əli Qazi Əskər İLNA agentliyinə müsahibəsində bildirib ki, bir çox İranlı qadınlar Səudiyyə Ərəbistanına Həcc səfəri zamanı İslami qaydalara uyğun geyinməyə diqqət etmirlər. O bildirib ki, bu səbəbdən bütün İran qadınlarına eyni forma geyindirilməsi haqda düşünülür. O daha sonra əlavə edib ki, İranlı Şiə qadınlar Səudiyyə Ərəbistanına öz geyimləri ilə “bəd hicablıq” ixrac edir.

Qazi Əskərin Həcc ziyarətinə gedən qadınların geyimini tənqid etməsi qeyri-adi hal kimi görünsə də İran siyasi dairələrində bir müddətdir ki, qadınların geyimi barədə söz- söhbət gəzir. Belə ki Mühafizəkar siyasi liderlər qadınların geyimlərinin günü-gündən İslam qaydalarından uzaqlaşdığını dilə gətirərək hakimiyyətin bu barədə ciddi tədbir görməsini tələb edirlər. Son zamanlar hicab məsələsi mühafizəkarlar, millət vəkilləri və polisin müzakirələrinin əsas mövzusuna çevrilib.

İranda hicab məsləsi İran inqilabından sönra yaranan mövzudur. Əvvəllər insanlar öz geyimlərində sərbəst olsalar da İnqilabdan sonra “İslami paltar” geymək barədə qanun qəbul olundu. İnqilabın əvvəllərində bu qaydalara riayət etməyən bir çox qadınlar təzyiqlərə məruz qaldı və bir çox insan isə bu səbəbdən ölkəni tərk etmiş oldu. İnsanların geyim qaydaları barədə məcburiyyətlər isə insanların bu qaydaya uyğun yeniliklər etməsinə və getdikcə “İslami paltarların” da Qərbdə istehsal olunan yeni modalara meyl etmələrinə səbəb oldu.

Hakimiyyət son illərdə dəfələrlə bu barədə qəti tədbirlər görməyə çalışır. Qatı mühafizəkarların bu barədə ciddi tələbləri mövcuddur. Amma bütün bunlara baxmayaraq bu məsələ xalqın ciddi hissəsinin maraq çərçivəsində olduğundan hökumətlər bu problemin çox da üstünə getmək istəmirlər. Belə bir məsələ seçkilərin nəticələrinə də böyük təsir göstərmək imkanına malikdir. Bu səbəbdən Xatəmi zamanı bu problemi tam millətin öz öhdəsinə buraxmışdılar. Əhmədinejad isə əvvəllər bir az qadınlara təzyiq göstərilməsi xəttini müdafiə etsə də, xüsusilə son 3 ildir ki, qadınların geyiminə ciddi müdaxilə etməkdən imtina edir. Bunda rejimin dayaqlarının son seçkilər ilə silkələnməsinin də ciddi rolu var. araztm

GUNAZ.TV

SON XƏBƏRLƏR