Polşa hökumətinin Təyyarə qəzası ilə bağlı şok açıqlaması...

SON XƏBƏRLƏR

Polşa hökumətinin Təyyarə qəzası ilə bağlı şok açıqlaması...

2021.10.20, 07:36

Gunaz.tv

GünAzTv: Polşa (Ləhestan) hökuməti prezident Lex Kaçinski, həyat yoldaşı və daha 94 nəfərin olümü ilə nəticələnən təyyarə qəzası ilə bağlı bir neçə gün sonra ortaya çıxan video görüntülərin həqiqət olduğunu bildirib. GünAzTv mətbuat mərkəzinin “Anspress”-ə istinadən yaydığı məlumata görə, Polşanın hərbi prokuroru deyib ki, Rusiyanın Smolensk şəhəri yaxınlığında baş verən qəzadan bir neçə dəqiqə sonra mobil telefonla çəkilən və qəza yerində gəzən üç siluet, silah və gülüş səsləri, təyyarədən çölə çıxan bir adamın və nəhayət pilotun qışqıraraq yardım istəməsi isə bağlı yayılan görüntülər həqiqətdir. Hərbi prokuror baş vermiş hadisəylə bağlı məlumatları araşdırdıqlarını və indiyə kimi 60 nəfərin ifadəsinin alındığını bildirsə də, indiyə kimi qəzanın tam olaraq nə zaman baş verdiyini öyrənə bilmədiklərini açıqlayıb. Qeyd edək ki, Polşanı şoka salan həmin görüntüləri mobil telefonla çəkən Rusiya vətəndaşı Andrey Mendiereyin həmin görüntüləri internetdə yerləşdirməsindən sonra bel nahiyəsindən bıçaqlandığı və daha sonra xəstəxanada süni nəfəs aparatının söndürüldüyü bildirilir. Təyyarədə beş qara qutunun olduğu bildirilsə də, onlardan yalnız üçü tapılaraq araşdırılıb. Digər iki qara qutunun taleyi isə sirr olaraq qalır.Xatırladaq ki, Polşa prezidenti Lex Kaçinskinin təyyarəsinin qəzaya uğramasından dərhal sonra çəkilmiş və internetdə (youtube saytında - http://www.youtube.com/watch?v=PxIFh3NkEvM) yerləşdirilən videonun ləngidilmiş kadrlarına baxarkən hadisə yerində naməlum 3 nəfərin gəzişməsi ortaya çıxıb. Bu video hadisə yerinə çatan ilk şahid tərəfindən çəkilib və bu zaman hadisə yerində nə təcili yardım, nə də xilasedicilər olub.Ləngidilmiş kadrlarda sağ qalan bir nəfərin əlini yuxarı qaldırması görünür və bunun sağ qalan pilot olduğu ehtimal edilir. Daha sonra, videoda bir neçə dəfə atəş səsləri və həyəcan siqnalı eşidilir. Birinci atəş səsindən sonra naməlum 3 nəfərin gülüş səsləri və sonuncu atəş səslərindən sonra isə rus dilində deyilən aşağıdakı sözlər aydın eşidilir: “Vse nazad, uxodim” (Hamı geriyə, gedirik).Bu naməlum üç nəfərin kim olduqları məlum deyil.

GUNAZ.TV

SON XƏBƏRLƏR