Ukrayna prezidentinin Rusiya ilə imzaladağı saziş, Parlamentdə davaya səbəb olub

SON XƏBƏRLƏR

Ukrayna prezidentinin Rusiya ilə imzaladağı saziş, Parlamentdə davaya səbəb olub

2021.10.20, 07:36

Gunaz.tv

GünAzTv: Ukrayna parlamentində küçə davası düşüb. Deputatlar bir-birini təpikləyib spikeri də yumurta atəşinə tutdular.

Rusiya Qara dəniz donanmasının daha 25 il Ukraynada qalmasına dair iki ölkə prezidentinin aprelin 21-də Xarkovda imzaladığı sazişin ratifikasiyasının müzakirə olunacağı Ukrayna Ali Radasında aprelin 27-də səhər saatlarında kəskin qarşıdurma və gərginlik yaranıb. Bu barədə APA “UNİAN”a istinadən xəbər yayıb.

Yerli vaxtla saat 10-da Ali Radanın sədri Vladimir Litvin zala daxil olaraq rəyasətdəki yerinə oturarkən müxalifətçi millət vəkillərin tərəfindən yumurta atəşinə tutulub. Mühafizəçilər çətirlə sədri yumurtalardan qorumağa çalışıblar. V. Litvin plenar iclası açıq elan edib və qeydiyyat başlayıb. Lakin zalda 211 millət vəkili qeydiyyatdan keçib və yetərsay üçün tələb olunan 226 nəfərin olmadığı açıqlanıb.

“Yuliya Timoşenko” və “Bizim Ukrayna-Xalq Özünümüdafiəsi” bloklarının deputatları öz üzvlərinin oturduğu sıraların önünü tıxayıblar. Sazişin ratifikasiyasına səs vermək istəyən 3 müxalifətçi deputatın yeri bayraqlarla qapadılıb. Zalda “Ukraynanın satılmasına imkan verməyəcəyik!”, “Vətənə xəyanətə - yox!”, Deputat, Ukraynanı satma!“ sözləri yazılmış şüarlar yerləşdirilib. Hakimiyyətdəki Regionlar Partiyasının (RP) deputatları isə tribunanın qarşısına toplaşıb. RP-nin üzvü Yevgeni Tsarkov SSRİ Hərbi Dəniz Donanmasının bayrağını kürəyinə bağlayıb. Parlamentin hökumət lojasının yanında “Bizim Ukrayna-Xalq Özünümüdafiəsi” bloku ilə RP-nin deputatları arasında əlbəyaxa dava baş verib. RP-nin bəzi deputatları müxalifətçilər tərəfindən qapadılan sıralara girməyə və oradakı bayraqları çıxarmağa nail olublar. Kütləvi dava-dalaşın davam etdiyi xəbər verilir. V. Litvin iclası çətirlərin altında aparmağa çalışır. Bir qədər sonra zal tüstülənməyə başlayıb. “Yuliya Timoşenko” blokunun deputatlarından birinin zala tüstü bombası atdığı xəbəri yayılıb. Bu blokdan isə deyiblər ki, bomba iqtidar deputatlarından biri tərəfindən atılıb.

GUNAZ.TV

SON XƏBƏRLƏR