Jirinovski yenə sərsəmlədi

SON XƏBƏRLƏR

Jirinovski yenə sərsəmlədi

2021.10.20, 07:36

Gunaz.tv

GünAzTv: Onun fikrincə, Türkiyə, Azərbaycan və Gürcüstan ermənilərə məxsusdur və bu ərazilər boşaldılmalıdır.

24 aprel günü Rusiyada məzəli açıqlamalarla müşayiət olunub. Ən məzəli açıqlamanı isə həmişəki kimi Liberal Demokrat Partiyasının faşist lideri Vladimir Jirinovski verib. O. Türkiyənin təxminən yarısının ermənilərə verilməsinə kömək edəcəklərini bildirib: «Ermənilər, sizə üz tuturam, Qərbi Ermənistanın Türkiyədən alınaraq Ermənistana verilməsinə dəstək olacağıq. Siz də Krımın Ukraynadan alınaraq Rusiyaya verilməsinə dəstək verin»,- deyə «bir gülləyə iki dovşan vurub».Kürsüdə danışan erməni diasporu səlahiyyətliləri «Türklərlə razılaşmaq qeyri-mümkündür!» deyə qışqırarkən Jirinovski yenə öz yumor hissini nümayiş etdirib: «Niyə elə deyirsiniz? Türklərlə razılaşmaq mümkündür. Torpaqları boşaltsınlar, ondan sonra razılaşmaq mümkündür. Türklər sizin torpaqlarınızda yaşayırlar. ABŞ və ingilislərin oyunu ilə Birinci Dünya Müharibəsi baş verdi. Erməni xalqı böyük zərbə aldı. Türklər Qərbi Ermənistanı işğal etdi. Bolşevik lideri Vladimir Leninin sayəsində... Bu işin asan bir yolu var - Türkiyənin şimal-şərqi Ermənistana, cənub-şərqi isə Kürdüstana verilsin. Türkləri bunu etməyə məcbur etməliyik. Siz Krımın Ukraynadan alınaraq Rusiyaya verilməsi üçün bizə dəstək verin, biz də Türkiyədəki torpaqların sizə verilməsinə dəstək verək. O torpaqlarda daha əvvəl Türkiyə yox idi, köhnə Ermənistan dövləti vardı. Aramızdakı türk casusları indi mənim çıxışlarımı dərhal Ankaraya çatdıracaqlar. Mən açıq-aşkar şəkildə yenə ifadə edirəm: Türkiyə torpaqları boşaldılmalı və Ermənistana qaytarmalıdır».GünAzTv mətbuat mərkəzinin “Bizim yol” qəzetinə istinadən yaydığı məlumata görə, «Xəstə» siyasətçi daha uzağa gedərək Azərbaycan və Gürcüstanın da ermənilərə məxsus olduğunu deyib, amma ardınca səsləndirdiyi fikirlərdən bəlli olub ki, o bütün bu fikirləri səs almaq naminə səsləndirir. O, 2012-ci il prezident seçkilərində öz partiyasına səs verilməsini istəyib: «Dostunuz olaraq mən aranızdayam. Yaxşı, haradadır digər partiya liderləri? Ona görə də 2012-ci ildə səsinizi kimə verəcəyinizi yaxşı bilirsiniz: Liberal Demokrat Partiyasına!». Moskvada keçirilmiş aksiyada çıxış edən bəzi erməni fəalları da buna bənzər sayıqlamalar ifadə ediblər.Moskvada fəaliyyət göstərən «Ararat» dərnəyinin rəhbəri Emmanuel Dolbukyan isə Rusiya prezidenti Dmitri Medvedevi də ABŞ prezidenti Barak Obamadan nümunə götürərək hər il «soyqırım»la əlaqədar xüsusi çıxışla qarşıya çıxmağa dəvət edib.

GUNAZ.TV

SON XƏBƏRLƏR