Səid Mətinpurun həyat yoldaşı Səidin səhhəti ilə bağlı müsahibə verib

SON XƏBƏRLƏR

Səid Mətinpurun həyat yoldaşı Səidin səhhəti ilə bağlı müsahibə verib

2021.10.20, 07:36

Gunaz.tv

GünAzTv: Hazırda Tehranın evin zindanında saxlanılan Azərbaycanlı jurnalist və insan haqları müdafiəçisi cənab Səid Mətinpurun həyat yoldaşı “Radio fərda”-ya müsahibə verib.

Xanım Ətiyyə Tahiri jurnalistin suallarını belə cavablandırıb:

Səidin müalicə işinə qeyri-mütəxəssis və ümumi həkim baxır. Həkim otağın bir tərəfində durub Səidə sual verir. Səid də sualları cavablayır. Həkim O cavabların əsasında resept (nüsxə) yazır. Ürək problemi olan bir xəstəni necə bu şəkildə müalicə etmək olar?!

O əlavə edib ki, biz Səidi mütəxəssis həkimə aparmaq üçün onun məzuniyyətə (murəxəsi) çıxmasını tələb edirik. Ancaq bütün müraciətlərimizə mənfi cavab verilib. Biz Səidi mütəxəssis həkimə aparsınlar deyə tələb edə bilmərik. O üzdən ancaq onun məzuniyyətə çıxmasına çalışırıq. Buda qanuna uyqundur. Zindan qanunlarına görə, bir məhbus ayda 10 gün məzuniyyətə çıxa bilər. bu qanun başqa məhbuslar üçün keçərlidir. Ancaq bəzi “təhlükəsizlik məhbusları” adlandırdıqları məhbuslarla belə rəftar olunmur. bunun hələdə səbəbini bizə bildirməyiblər.

O bəyan edib ki, Səidin Zindandan öncə ürəyi tam sağlam olub. Onun sadəcə şiddətli belağrısı var idi. Oda 2007-ci (1386) ildə 7 ay tək nəfərlik kamerada (sellul) saxlanıldıqdan sonra əmələ gəlmişdi.

Hazırda Səidin dəhşətli dərəcədə başağrısı var. Gecələri isə ayaqları heç nə hiss etmir. Bu barədə bir-iki həkimlə söhbət etmişəm. Onlar vurqulayıblar ki, əgər vaxtında müalicə olunmasa daha ciddi problemler yarana bilər.

GUNAZ.TV

SON XƏBƏRLƏR