Contact Us

SON XƏBƏRLƏR

Vaşinqtonda türklər və ermənilər qarşı-qarşıya aksiya keçirib

2021.10.20, 07:36
Vaşinqtonda türklər və ermənilər qarşı-qarşıya aksiya keçirib

Gunaz.tv

GünAzTv: Ermənilərin qondarma soyqırımının ildönümü kimi qəbul etdikləri 24 aprellə bağlı olaraq, ermənilər və türklər Türkiyənin Vaşinqtondakı səfirliyi qarşısında qarşılıqlı aksiya keçiriblər. Amerikada yaşayan türklər bir gün əvvəldən səfirliyin binasının önündə keşik çəkiblər. Azərbaycan və Şimali Kipr Türk Cumhuriyyətinin vətəndaşlarının da iştirak etdiyi aksiyada Türkiyə, Azərbaycam və ABŞ bayraqları qaldırılıb, Atatürkün portreti tutulub.Türkiyəni "soyqırımını" inkar etməkdə günahlandıran ermənilər isə qarşı səkiyə toplaşıblar. Onlar Atatürkü və Türk xalqını təhqir edən plakatlar tutublar. Aksiya zamanı hər iki tərəf bir-birinə qarşı meqafonlarla şüarlar səsləndirib. Erməni tərəfdən askiyaya kiçik yaşlı uşaqlar da cəlb olunub. Uşaqların əsasən daha kəskin şüarlar səsləndirməsi diqqət çəkib.Bundan başqa, yoldan keçən bəzi avtomobillərin Türkiyə və ya Ermənistan bayrağı yellədiyi müşahidə olunub. Bir ara arxalarını ermənilərə tərəf çevirən türklər İstiqlal və Gənclik Marşını oxuyublar. Ermənilər isə "Türkiyənin şərqi Ermənistan", "Van, Muş, Ağrı Ermənistanındır" kimi şüarlar səsləndiriblər.Nümayiş zamanı polis çox ciddi təhlüksəzilik tədbirləri görüb. Aksiya qarşıdurmasız başa çatıb. Nümayiş sonrasında səfirliyin qarşısına gələn Türkiyənin Vaşinqtondakı səfiri Namiq Tan, Türkiyə tərəfindən olan nümayiş iştirakçılarını səfirliyə dəvət edib. Aksiya iştirakçılarına təşəkkür edən səfir onlarla birgə fotoşəkil çəkdirib.Nümayişdə iştirak edən Türk-Amerikan Dərnəkləri Assambleyasının rəhbəri Günay Evinç bildirib ki, ermənilərin səfirliyin önündəki səkini tutmaması üçün türklər dünəndən səfirlik binası qarşısında növbə çəkiblər. G. Ecinç onu da bildirib ki, aksiya yerinə avtobuslarla gələn ermənilər kilsələrdən uşaqları toplayaraq, onların beyinlərini nifrət hissi ilə doldururlar. Səfir Namiq Tan isə ABŞ prezidenti Barak Obamanın, ermənilərin 1915-ci il hadisələrinin ildönümü olaraq qəbul etdikləri 24 aprellə əlaqədar aşqılamasına belə münasibət bildirib: "Obama nə söyləyir-söyləsin, biz qəbul etməyəcəyik. Çünki bunun elmi tərəfi yoxdur, tamamilə siyasi bir ifadədir".ANS

SEÇİLMİŞ XƏBƏRLƏR

Çox oxunanlar