Contact Us

SON XƏBƏRLƏR

Amerika kəşfiyyatı: İran Türkiyə ilə baş-başa gələ bilməz

2021.10.20, 07:36
Amerika kəşfiyyatı: İran Türkiyə ilə baş-başa gələ bilməz

Gunaz.tv

GünAzTv: Amerikanın hərbi kəşfiyyat qurumu olan DİA-nın hazırladığı İran hesabatı Türkiyəni də maraqlandıran çox maraqlı bir iddia irəli sürüb. ABŞ-ın (Amerika Birləşmiş Ştatları) CIA (Mərkəzi Kəşfiyyat İdarəsi) və NSA (Milli Təhlükəsizlik İdarəsi) ilə birlikdə ən böyük kəşfiyyat təşkilatlarından biri olan və hərbi sahədə fəaliyyət göstərən DİA (Müdafiə Kəşfiyyatı İdarəsi) yeni hesabatında İran ordusunun Türkiyə və İsrail ilə bacara bilməyəcək qədər səmərəsiz və təchizatsız olduğunu ifadə edib.

GünAzTv mətbuat mərkəzinin “Bizim yol”  qəzetinə istinadən yaydığı məlumata görə, İsraildə nəşr olunan «Yedioth Ahronot» qəzeti DİA-nın hazırladığı hesabatı ələ keçirərək bəzi məqamları işıqlandırıb. Xəbərə görə, Müdafiə Kəşfiyyatı İdarəsi İranın hərbi gücü haqqında hazırladığı hesabatı bu həftənin əvvəlində Senata təqdim edib.Hesabatda «İran ordusu 20 milyona yaxın əsgəri gücünə baxmayaraq, İsrail və Türkiyə kimi ölkələrin ordularıyla baş-başa gələ bilməyəcək qədər təsirsiz və təchizatsızdır»,- deyə bildirilir.İran ordusunun başlıca vəzifəsinin rejimi qorumaq və ABŞ-la İsraili hücumdan daşındırmaq olduğunu ifadə edən hesabatda İranın hərbi strategiyasının daşındırıcılıq, asimmetrik cavab və köhnəliyə söykəndiyi ifadə edilib.Sənəddə İranın nüvə proqramının da bənzər şəkildə daşındırıcı məqsədli olduğu ifadə edilərək «İranın nüvə proqramı və nüvə silahının inkişaf etdirilməsi qapısını açıq saxlamaq arzusu daşındırıcılıq strategiyasının mərkəz nöqtəsini təşkil etməkdədir» qənaətinə yer verilib.Hesabata görə, İranın əsgəri gücünün olduqca böyük olmasına baxmayaraq yaxşı təlim almış və inkişaf etmiş silahlara sahib olan ABŞ və müttəfiqlərindən gözlənilən həqiqi bir hücuma qarşı dayana bilməyəcək qədər səmərəsiz vəziyyətdədir. Buna görə də İran ordusu yalnız zəif qonşularından gələ biləcək təhlükələri önləyə biləcək durumdadır.Kəşfiyyat hesabatında İran ordusunun əlində olan tank, zirehli personal daşıyıcı, döyüş gəmiləri və təyyarələrin vəziyyətinə də yer verilərək İran hava qüvvələrinin 10 ildən uzun bir zamandır tək bir yeni təyyarə almadığına da diqqət çəkilib.

SEÇİLMİŞ XƏBƏRLƏR

Çox oxunanlar