Mir Hüseyin Musəvinin birlik təklifi

SON XƏBƏRLƏR

Mir Hüseyin Musəvinin birlik təklifi

2021.10.20, 07:36

Gunaz.tv

GünAzTv: “Yaşıl yolu hərəkatı” saytının verdiyi məlumata əsasən Mir Hüseyin Musəvi “Milli Məzhəbi” (milliyətçi-mühafizəkar qrup) qrupunun fəallarıyla görüşündə bildirib ki, yolumuzu davam etdirməkdən başqa çarəmiz yoxdur. Onun sözlərinə görə, “Yaşıl hərəkatı”nın istəkləri xalqın dəyərləri ilə üst-üstə düşür. Bu səbəbdən mədəni və bir-birinə bağlı cəmiyyət yaratmaq üçün bütün imkanlardan istifadə etmək lazımdır.

Musəvi çıxışında həmçinin qeyd etmişdiur ki, “bizim hədəfimiz sadəcə hakimiyyəti əldə etmək deyil, daha çox cəmiyyəti dəyişmək və İranlılara münasib bir cəmiyyət qurmaqdır.” Musəvi kütləvi informasiya vasitələrinə sahib olmadıqlarını və bu baxımdan çətin vəziyyətdə olduqlarını bildirərək əlavə edib ki, “biz internetin bütün imkanlarından istifadə edə bilməmişik. Bu sahədə də işlər görməli və virtual dünyanın bütün imkanlarından faydalanmalıyıq.

İran müxalifətinin lideri bütün siyasi qruplara məsləhət verərək bildirib ki, “hamımız bir yerdə və öz ətrafımızda olaq. Əvvəlcə kiçik məsələlərdə razılığa gələk. Ortaq şüarlarda birləşməyi bacaraq və böyük problemlərin həllinə yol açaq”.

Bununla da Mir Hüseyn Musəvi ölkədəki bütün siyasi qüvvələrin bir araya toplamasını və mövcud sistemin dəyişməsi üçün birgə mübarizə aparlarını təklif etmiş olub. Musəvinin “milli-məzhəbilərlə” görüşündə bu cür çıxış etməsi əslində digər siyasi qruplara və hətta xaricdə yaşayan siyasi qruplara mesaj kimi də anlaşa bilər. Onun təklif etdiyi “kiçik məsələlər”də razılaşma, mövcud hakimiyyəti sistemə dəymədən devirmək və bundan sonra digər məsələr üçün yolun açılması ola bilər. araztm

GUNAZ.TV

SON XƏBƏRLƏR