Almaniya radiosu (dw-world.de) Güney Azərbaycanlı işçilərin vəziyyətinə toxunub

SON XƏBƏRLƏR

Almaniya radiosu (dw-world.de) Güney Azərbaycanlı işçilərin vəziyyətinə toxunub

2021.10.20, 07:36

Gunaz.tv

GünAzTv: İranın etniklər yaşayan bölgəllərində işçilərə qarşı iki qat zülm və istismar var. Yerli işçilərin işdən çıxarılması vı qeyri yerli işçilərin işə cəlb olunması, təbəqə problemini etnik probleminə çevirə bilər.

Almaniya Radiosu (dw-world.de) ADAPP (İranda azerbaycanlı siyasi məhbusların müdafiə qurumu) nümayəndəsi Yaşar Həkkakpura istinadən qeyd edir ki, Hakimiyyət qeyri fars bölgələrində işçilər məsələsinə də təhlükəsizlik gözü ilə baxır. Hakimiyyət bu bölgələrdə nə inki yatırım yapmır hətta yatırım yapmaq istəyən xüsusi yatırımcılara da maneçilik yaradır. İran məsulları yatırımcılara bildiriblər ki, Azərbaycanda yatırım yapanlara dəstək verilməyəcək.

Marağanın “Kavi soday” zavodunun (karxanə) işçilərindən biri Radioya bildirib ki, onlar minimum maaş qarşılığında işləyirlər. çətin iş nəticəsində xəstələnən işçi həmən işdən atılır. Tibbi komissiya isə ziyanlı iş nəticəsində xəstələndiyi ilə bağlı heç bir sənəd vermir. Nəticədə Siğorta (Bime) İdarəsidə yardım etmir.

Yaşar Həkkakpur Radioya bildirib ki, Azərbaycanlı işçilər fars dilini yaxşı tələffüz edəbilmədiklərinə görə iş yerində təhqir olunurlar. Bu təzyiq altında onlar milli mənsubiyyətlərini inkar edib və asimilə olmağa məcbur olurlar.

Araz adlı işçilərdən biri işçilərin Şərqi Azərbaycanda olan problemlərinə işarə edib. O vurqulayıb ki, kimyəvi sahəsində fəaliyyət göstərən işçilərə xüsusi qiymət verilmir. Onlarda tənəffüs problemi ayaranır. Belə halda işçini xəstəxanaya aparmaq yerinə onu işdən azad edirlər.

Adını çəkdiyimiz işçi, dəfələrlə iş yerində ədalətsizlik və qeyri bərabərliyin şahidi olduğunu deyib. O türk olduğuna görə təhqir də olunub. Onun sözlərinə görə, hətta türk mühəndisləri də müəyyən səthə qədər inkişaf edə bilərlər. ancaq müdir ola bilməzlər. müdir fars şəhərlərindən gətirilir. Işçilər istənilən vəziyyətə dözməlidirlər. əks halda işdən azad edilirlər.

GUNAZ.TV

SON XƏBƏRLƏR