ŞOK İDDİA: Kaçinskinin təyyarəsindən sağ çıxanları güllələyiblər

SON XƏBƏRLƏR

ŞOK İDDİA: Kaçinskinin təyyarəsindən sağ çıxanları güllələyiblər

2021.10.20, 07:36

Gunaz.tv

GünAzTv: Bu xəbər təsdiqlənərsə, iki ölkə arasında müharibə ola bilər, prokurorluq araşdırma başladıb.

Polşa prezidenti, aprelin 10-da Rusiyanın Smolensk vilayəti yaxınlığında ölkəsinin digər dövlət rəhbərləri ilə birlikdə təyyarə qəzasında ölən Lex Kaçinskinin sui-qəsdə qurban getdiyinə dair hər gün yeni iddialar və şübhələr ortaya atılır. Son iddia isə kifayət qədər sensasiondur və təsdiqlənəcəyi halda iki ölkə arasında müharibəyə səbəb ola biləcək qədər ciddidir. Xəbərlərə görə, bu dəfə internetə qəzadan yaralı halda çıxan sərnişinlərin təyyarənin düşməsindən dərhal sonra hadisə yerində görünən naməlum şəxslər tərəfindən silahla vurularaq öldürüldüyünü əks etdirən görüntülər yayılıb.

“YouTube” portalında yerləşdirilən, təsadüfən hadisənin şahidi olan şəxs tərəfindən mobil telefonla çəkildiyi iddia edilən görüntülərdə 3 nəfərin təyyarənin düşdüyü yerdə ağacların arasında qaçdığı görünür. Daha sonra silah səsləri eşidilir. Kadrlarda yaralı sərnişinlərin “bizi öldürməyin”, “silah ver” kimi sözlər işlətdiyi əksini tapır, daha sonra təyyarənin qalıqları içərisindən qara geyimli şəxsin yerə atıldığı görünür və bir neçə dəfə silah səsləri eşidilir.Məlumata görə, görüntüləri çəkən Rusiya vətəndaşı Adriej Mendierej görüntülərin internetdə yerləşdirilməsindən az sonra kürəyindən bıçaqlanaraq öldürülüb. O, ağır yaralı halda küçədə tapılıb və xəstəxanaya aparılsa da, süni tənəffüs cihazı söndürülüb. Bildirilir ki, Polşanın hərbi prokurorluğu həmin görüntülərin montaj olub-olmadığını araşdırır. Eyni zamanda, bildirilir ki, qəzada ölən 21 yüksək rütbəli polşalı zabitin cəsədlərinin qalıqları kimliklərinin tanınması üçün hələ də Moskvadadır. Polşa prezidentinin mühafizəçilərinin silahları da yoxa çıxıb.Qeyd edək ki, özünün anti-Moskva mövqeyi ilə tanınan və vaxtilə NKVD tərəfindən güllələnən polyak hərbi əsirlərini yad etmək üçün Smolenskə gedən Kaçinskinin Rusiya xüsusi xidmət orqanlarının təşkil etdiyi sui-qəsdə qurban getdiyinə dair şübhələr əvvəldən mövcud olub. Lakin ilk günlər Polşa ictimaiyyətində yaranan bu şübhələri doğruldacaq ciddi dəlil yox idi. Kaçinskinin dəfindən sonra isə belə iddialar artmağa başlayıb.

GUNAZ.TV

SON XƏBƏRLƏR