“Traxtur – Perspolis” müsabiqəsində tutuqlanmış xanım vəziyyəti açıqlayıb

SON XƏBƏRLƏR

“Traxtur – Perspolis” müsabiqəsində tutuqlanmış xanım vəziyyəti açıqlayıb

2021.10.20, 07:36

Gunaz.tv

GünAzTv: Aprel ayının 16-da (fərvərdinin 27-i) Təbrizin Səhənd stadyomunda (stadion) “Traxtur”-la “Perspolis” arasında keçirilən müsabiqədə 30 nəfər xanım soydaşımız İran Təhlükəsizlik Qüvvələri tərəfindən tutuqlanıb sonra zəmanətə buraxılıblar. Onlardan biri 18 yaşlı xanım soydaşımız Elmira Nəzəridir. “Təbriz səsi” saytı Elmira xanımın yazılı müsahibəsini dərc edib.

Elmira xanım ona ünvanlanan sualların cavabında belə deyir:

Mən aprelin 16-da (fərvərdinin 27-i) ata, ana və 12 yaşlı qardaşımla birlikdə Meşkinşəhr (Xiyav), Əhər, Zəncan, Ərdəbil, Təbriz və başqa şəhərlərdən gələn digər xanım və ailələrə qoşularaq səhənd stadyomunda gedən “Traxtur”-un oyununu izləmək üçün stadyomun göründüyü təpəyə getdik.

Biz Təbriz vaxtı ilə saat 17.20 –də sivil məmurlar tərəfindən yaxalandıq.

İranda Futbolu izləmək üçün xanımların stadyoma (stadion) buraxılmaması səbəbi ilə biz milli komandamızı təşviq etmək, ana dil, Azərbaycanın iqtisadi durumu və Hökümətin Azərbaycanlılara qarşı digər ayri-seçkilik siyasətinə etiraz etmək məqsədi ilə təpə üzərində toplaşdıq.

Bizi yaxalayan dövlət məmurları bizimlə həddindən artıq kobud rəftar etdilər. onlar bizə qarşı təhqir edici və tərbiyəsiz ifadələr işlətdilər. onların bizim ünvanımıza səsləndirdikləri alçaldıcı ifadələri dilə gətirmək mümkün deyil.

Sonra bizi Polisin 22-ci məntəqəsinə apardılar. Biz orda da eyni təhqir edici ifadələrlə qarşılaşdıq. Onlar bizi hayasız adlandırdılar. Xanımlar vəhşətdən fəryad qoparırdılar.

Sonra bizi Polis bölməsindən əxlaq təhlükəsizlik bölqüsünə apardılar. Harda ki əxlaqsız qadınlar saxlanılır. Niyə biz nə etmişdik ki bizi oralara götürdülər.

Biz 30 nəfər xanım və bir çox uşaq və yeni yetmədən ibarət idik. Tutuqlananlar müsabiqəni izləmək üçün Azərbaycanın müxtəlif bölgələrindən gəlmişdilər.

Bizdən, siz kimin təhriki ilə oraya getmişdiniz? Uydunuz (peyk antenası) varmı? hansı siyasi Kanalın təhriki ilə oraya getmişdiniz? Kimlərlə birlikdə getmişdiniz? Kimi suallar soruşdular.

Sonra isə gənc xanımların adlarını onların boynundan asıb, müxtəlif şəkillər çəkdilər.

Biz həman gün axşam saat 22-də zəmanət vasitəsi ilə azadlığa buraxıldıq. Bizə dedilər ki, sizi nə zaman çağırsaq, həmən müraciət etməlisiniz.

GUNAZ.TV

SON XƏBƏRLƏR