Amerikanın hərbi elitası İrana qarşı hərbi əməliyyatı yeganə çıxış yolu hesab edir

SON XƏBƏRLƏR

Amerikanın hərbi elitası İrana qarşı hərbi əməliyyatı yeganə çıxış yolu hesab edir

2021.10.20, 07:36

Gunaz.tv

GünAzTv: Son günlərdə ABŞ-da (Amerika Biləşməş Ştatları) İranın nüvə proqramı ilə bağlı atılması zəruri addımlar barədə fikirlər yenə haçalanıb. BMT Təhlükəsizli Şurasında yeni sanksiyaların qəbul ediləcəyi gözlənilərkən, ABŞ hərbi elitası bu sanksiyaların ciddi nəticə verməyəcəyi, İran nüvə silahına yiyələndikdən sonra isə dünya üçün artıq gec olacağı fikrini daha sərt şəkildə müdafiə etməyə başlayıb. Onlara görə hazırda İranın nüvə silahına malik olmasının qarşısı tək yolla alına bilər: hərbi əməliyyat

ABŞ-dakı ən nüfuzlu mətbuat orqanlarından olan “The Times” və “The New York Times” aprelin 19-da bu məsələnin ölkə üçün nə qədər aktual olduğuna bir daha diqqət çəkib. Bu qəzetlərdəki materiallara görə ABŞ-ın Baş Qərargah rəisi Admiral Mayk Mallen aprelin 18-də, ilk dəfə nüvə hədəflərinə zərbə endirməyin Tehranın nüvə silahına sahib olmasının qarşısının alınması baxımından “işə yarayacağını” açıqlayıb. Admiral Mayk Mallenin bu sözləri həm Pentaqonun, həm də Obama hakimiyyətinin “mümkün regional müharibələrin qarşısını almaq üçün İrana hərbi müdaxilə etmək” variantına verilmiş ən böyük dəstək hesab olunur. Bundan öncə isə ABŞ Müdafiə Naziri Robert Qeytsin “Ağ Ev”ə “ABŞ-ın İranla bağlı hər varianta hazır olmalı olduğu” barədə 3 səhifəlik xüsusi qeyd göndərdiyi ortaya çıxmışdı. İranın həm uranı zənginləşdirmə proqramını sürətlə aparması, həm də İsraili vura biləcək hərbi texnologiyalarını “Ordu günü”ndə nümayiş etdirməsi ABŞ üçün əlavə həyəcan siqnalı olub.

ABŞ mətbuatı iddia edir ki, Müdafiə Naziri Qeytsin qeydlərindən belə başa düşülürmüş ki, “nüvə silahına sahib bir İran qarşısında nə edəcəyini ABŞ belə bilmir”. Bu bir tərəfdən ABŞ-ın hər varianta hazır dövlət olmadığını göstərir, digər tərəfdən isə ABŞ-ın İrana hərbi müdaxilə etmə ehtimalını artırır. Yeri gəlmişkən bu yaxınlarda Rusiya Federasiyasının Prezidenti Dmitri Medvedevin İrana mümkün hərbi müdaxiləni bölgə üçün təhlükəli sayması və qonşu ölkələr, xüsusilə Azərbaycan Respublikasına kütləvi köçün mümkünlüyündən danışması vəziyyətin ciddiliyini göstərir. Narahatçılıq keçirən ölkələrin siyahısına digər qonşu və regional güc kimi Türkiyəni də əlavə etmək mümkündür. Göründüyü kimi rejim hərbi məzmunlu xarici siyasəti ilə özünü beynəlxalq təcridə məruz qoyur və bunun nəticəsində İran iqtisadiyyatı daha da ağırlaşmağa doğru gedir. Digər yandan bu siyasət bölgəylə bağlı hərbi planları aktuallaşdırır ki, hər iki məqam həm İran əhalisi, həm də ümumiilikdə regioan üçün təhlükəli vəziyyət yaradır. araztm

GUNAZ.TV

SON XƏBƏRLƏR